Suleqatigiilluassallutik isumaqatigiipput

Ataatsimiinnermi isumaqatigiissutigineqartoq tassaavoq ataqqeqatigiilluni tatiginneqatigiillunilu siunissami suleqatigiinnissaq.

Aalisarnermut, Piniarnermut Nunalerinermullu Naalakkersuisunngorlaaq, Nikolaj Jeremiassen KNAPK siulittaasuanik Henrik Sandgreenimik, KNAPK-p illuutaani tallimanngornermi maajip 27-anni ataatsimeeqateqarpoq.

Ataatsimeeqatigiittut kissaatigisorujussuuaat siunissami suleqatigiilluarnissartik.

- Nuannaarutigeqaara taama piaartigisumik ataatsimeeqatigisinnaagassi, Nikolaj Jeremiassen, Naalakkersuisuni ataasinngormat maajip 23-anni ilaasortanngortoq oqarpoq.

Nikolaj Jeremiassenip Henrik Sandgreen ilisimatippaa Naalakkersuisoqarfimmini suliat assigiinngitsut sumut killinneri maannakkut paasiniaaffigalugit. Isumaqatigiissutigaallu ataatsimiittarnissat tullii qulequtalerlugit ataatsimeeqatigiissutigisassallugit.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaq, Jørgen Isak Olsen. Mail: jio@nanoq.gl