Mingutsitserisuunngitsunik aaqqiinernut 11 mio. koruunit

Naalakkersuisunit kommunit avatangiisitigut pitsanngorsaataasunik suliniutinik suliaqarnerat tapersersorneqarpoq.

Kommunit avatangiisit tungaasigut arlalitsigut pitsanngorsaanerat Naalakkersuisunit 11 million koruuninik tapersersorlugit ikiorsiivigineqarput. Ilaatigut kommunit illoqarfinni ikuallaavii nutarterneqassapput silaannarmik mingutsitsineq annikinnerulersinniarlugu.

Ullumikkut ikuallaavinnit akoorutissanik navianartunik aniatitsineq sumiiffippassuarni ima qaffasitsigilersimavoq peqqissutsimut avatangiisitigullu kingunipiloqarsinnaalluni. Taa-maattumik pingaaruteqarpoq, ikuallaaviit pitsaanerulersinneqarnissaat, ikuallaavinnillu pujoortitsinerup pitsaanerusumik salinneqartarnissaata qularnaarneqarnissaa.

”Pinngortitamut, Avatangiisinut Nukissiuuteqarnermullu Naalakkersuisutut nuannaaruti-gaara kommunit peqatigalugit Kalaallit Nunaanni illoqarfinni nunaqarfinnilu eqqagassa-nik passussisarnerup pisariaqartinneqartumik iluarsiivigineqarnissaa. Pingaartuuvoq su-liniutinik nutaanik ineriartortitsillutalu misilittaajuarnissarput, aaqqiinernillu mingutsitseri-suunngitsunik nassaartarnissarput” Pinngortitamut, Avatangiisinut Nukissiuuteqarner-mullu Naalakkersuisoq Mala Høy Kúko oqarpoq.

Ikuallaaveqarfiit saniatigut Naalakkersuisunit Kommuneqarfik Sermersuumi avatangiisi-leriffinnik pilersitsineq tapersersorneqarpoq, Kommune Kujallermi eqqagassanik immik-koortiterinermi iglo-nik immikkoortiterivinnik 40-inik pisineq, Qaqortumi eqqaavissuup al-lilerneqarnissaanut atatillugu pilersaarusiorneq pilersitsiniarnerlu, Nuummi anartarfinnik eqqaavimmi immikkoortiterissummik pilersitsineq, Kapisilinni, Arsummi aamma Qeqer-tarsuatsiaani nunaqarfimmi ikuallaavinnik atorunnaarsitsineq immikkoortiterinermilu ator-tunik pilersitsineq kiisalu Qaanaami immikkut ittumik eqqagassalerinerup suliniuteqarfigi-neqarnera.

Sukumiinerusumik paasissutissarserusunnermi attaveqarfigiuk ministerip allattaa Elise Uupi Kuitse, oqarasuaat: +299345414 e-mail: eukl@nanoq.gl imaluunniit immik-koortortami pisortaq Karen Anne Arleth, oqarasuaat: +299345465 e-mail: knar@nanoq.gl