Ajutoortuusaartussat 200-ut naapippai

Pinngortitamut, Avatangiisinut Nukissiuuteqarnermullu Naalakkersuisup LIVEX 2016-imi ajutooqqasuusaartussat naapikkai

Pinngortitamut, Avatangiisinut Nukissiuuteqarnermullu Naalakkersuisup illersornissaqarfimmit flotilleadmiral Torben Mikkelsen peqatigalugu LIVEX 2016-imik taallugu sungiusarnermi sapaatip akunnerata naanerani ajutooqqasuusaartussat 200-ut tallimanngornermi ualiugaa takusarpai. Sungiusarnerup nalaani ajutooqqasuusaartussat umiarsuarni aportuni ilaasutut ikilerneqarsimasuusaarlutillu umiusimasuusaartussaapput Kalaallit Nunaanni Danmarkimilu oqartussanit qimagussorneqarlutillu nalunaarsorneqartussat ikiorneqarlutillu. Ajutooqqasuusaartussat affaat Nuummi ilinniarfeqarfinneersuupput sinnerilu affaat Danmarkimi hjemmeværnimeersuullutik nunatsinnukaanneqaqqaammersut.

”Taamannak sungiusarnerit danskit kalaallillu upalungaarsimaneq pillugu sungiusarnissaannut pingaarutilerujussuupput, ilissilu sulinissigut sungiusaqataasut misilittakkaminnik misileraanissaannut periarfissiivoq. Sungiusarnermit piginnaasarilikkat misilittagarilikkallu piviusumik ajunaarneqassagaluarpat aalajangiisuusussaapput. Sillimaneq inuunermik annaassinermik kinguneqarsinnaavoq. Oqariartaaseq tamatta nalunngisarpåut: ”Sungiusarneq saperunnaarsitsisarpoq”. Taamaammat peqataanersi pisariaqarlunilu pingaartinneqarpoq,” Pinngortitamut, Avatangiisinut Nukissiuuteqarnermullu Naalakkersuisoq ajutoortuusaartussanut 200-nut taamak ilaatigut oqarpoq.

Sungiusarneq ulluni 28. maaji – 1. juuni ingerlasussaavoq, ajutoorsimasuusaartussallu ulapissaqaat, taakkuuppummi LIVEX 2016-ip iluatsilluarnissaannut peqataasussat.

 

Paasisaqarnerorusuttut attavigisinnaavaat Naalakkersuisoqarfimmi pisortaq Mette Skarregaard Pedersen, oqa.: +299345122 e-mail: mesp@nanoq.gl.