Kujataani nipisanniarneq sivitsorneqarpoq

Kujataani aqutsiveqarfimmi 1F-imi nipisannik tunisineq tallimanngornermi maajip 20-annut killeqaraluartoq juunip pingajuannut sivitsorneqarpoq.

Kujataani sikorsuit nipisanniarnermut akornutaasimaqimmata Naalakkersuisut aalajangerput nipisanniarneq ullunik 14-inik sivitsorneqassasoq.

Taamaattumik pisassiissutit tamakkerneqarsimatinnagit nipisannik kingullermik tunisineq tallimanngornermi juunip pingajuanni pisussanngorpoq.

Pisassiissutit tamakkerneqarsimaleriarpata tusagassiuutitigut tamanna ilisimatitsissutigineqassaaq.

Kujataani nipisanniarneq apriilip sisamaanni aallartinneqarpoq.
Attavigineqarsinnaasoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: emanuel@nanoq.gl

Aqutsiveqarfik 1F tassaavoq:
Tunngaviusumik killeqarfiup 60°45' N-ip kujataata tungaani 3 sømilit iluanni tassungalu atasumik kangerluit, tassaasut Kitaani 60°45'N-ip kujataata tungaanit tunngaviusumik killeqarfimmit 3 sømilit iluannit kitaani Nunarssuit angullugit (60°45'N, 48°08'V); tassanngaanniit nunavik (60°50'N, 47°57'V) angullugu; tassanngaanniit nunakkut Prins Christians Sundip (60°12'N, 44°V) avannaata tungaa angullugu; tassanngaanniit kujammut 44°V sinerlugu tunngaviusumik killeqarfiup avataanit 3 sømilit angullugit; tassanngaanniit tunngaviusumik killeqarfiup avataani 60°45'N tikillugu 3 sømilit iluanniittut.