Tele Greenlandimi ataatsimeersuarneq

Tele Greenlandimi ulloq 18. maj ileqquusumik ataatsimeersuartoqarpoq. Ukiumoortumik nalunaarut akuersissutigineqarpoq tassanngalu erserluni akileraareerluni 50,7 mio. koruuninik sinneqartooruteqarsimasoq. Tamakku saniatigut aamma ullormi oqaluuserisassaniippoq siulersuisut katitigaanerisa akuersissutigineqarnissaat.

Aningaasaqarnermi aningaasatigullu pissutsini siulersuisuni piginnaasat nukittorsarniarlugit Malene Broberg siulersuisunut ilaasortanngortinneqarpoq. Malene aningaasaqarnermi tunuliaquteqarpoq ullumikkullu Mittarfeqarfinni naatsorsuuserinermik pisortaalluni. Malene siusinnerusukkut Tele Greenlandimi aamma sulisimavoq.

Ataatsimeersuarnermi paarlaassuisoqanngilaq, ilaasortalli ataatsimik ilaneqarlutik. Ataatsimeersuartoqareernerani siulersuisut tallimanik siulersuisunut ilaasortaqalerput, tamannalu ingerlatseqatigiiffiup ileqqoreqqusaanut naapertuuppoq.

Malene Broberg-imit ilasisoqarnerata saniatigut siulersuisut sinneri qinigaaqqip-put. Taamaattumik Tele Greenlandimi siulersuisut ukuupput:

  • Stine Bosse (Siulittaasoq)
  • Maliina Abelsen
  • Ulrik Blidorf
  • Kim Søgård Kristensen
  • Malene Broberg

Sukumiinerusumik paasisaqarusukkuit Lars Balslev attavigiuk, laba@nanoq.gl, +299 34 51 27