Arctic Circle Kalaallit Nunaanni

Majip 17-anit 19-anut Nuummi Arctic Circle Kalaallit Nunaanni oqallinneq ingerlanneqassaaq

Ullumi Island-ip Præsident.ia Ólafur Ragnar Grímsson Nuummut Arctic Circle Kalaallitt Nunaanni oqallinnermut peqataajartorluni tikippoq. Mittarfimmi Inuussutissarsiornermut, Sulisoqarnermut, Niuernermut Nunanullu Allanut Naalakkersuisumit Vittus Qujaukitsumit tikilluaqquneqarpoq. 

Island-ip Præsident, Naalakkersuisut Siulittaasuat, Inuit Circumpolar Council-illu Siulittaasuat Okalik Eegeesiak-ip aqagu oqallinneq majip 17-ani ammassavaat. Oqaluserisassat siunissami Issittumi takornariaqarneq, umiarsuarnik angallassineq, silaannakkut angallanneq, nunap pissarititai taamatullu nunatta pissarititai uumassusillit eqqartorneqassapput. Ataatsimiinnerit ilaatigut Issittumi aningaasalersuiffiusinnaasut pillugit, Issittumi nunap inuiisa pisinnaatitaaffiisa nukittorsarneqarnissaat, sumiiffimmi innuttaasut akulerutsinneqarnissaat, taamatullu peqinnieq atugaissaarnerlu eqqartorneqassaapput. 

Arctic Circle Kalaallit Nunaanni Oqallinneq Naalakkersuisut peqatigalugit aaqqissuunneqrpoq – Issittmi innuttaasunut aningaasatigut ineriartorneq ukkatarineqassaaq. Oqallinneq majip 17-anit 19-anut 2016 Nuummi Katuami ingerlanneqassaaq. Vittus Qujaukitsoq oqaaseqarpoq: ” Arctic Circle Oqallifiimmi Kalaallit Nunaata aaqqissuussisuunerata sumiiffimmi ineriartornerup pingaaruteqarnerata nunarsuarmioqatigiinnut oqallinnermi ilisimaneqalernissaannut Naalakkersuisut pingaarutilimmik inissisimapput.” 

Oqallinnermi maannamut inuit 300-t sinnerlugit peqataaniarlutik nalunaarsimapput. Issittumi nunanit Amerikap Avannaanit, Europamit, Asiamiillu oqallinnermi oqalugiartuullutillu peqataassapput, taakkulu politikkikkut aqutsisuupput, inuussutissarsiornermik ingerlatsisuullutik, katuffinneerlutik, aningaasaliisartuullutik, ilisimatusarnermik ingerlatsivimmeerlutik taamatullu nunap inuiisa siuttoralugit.

Arctic Circle Kalaallit Nunaanni Oqallinnerup pilersaarutaa nittartakkami uani alakkarneqarsinnaavoq. www.arcticcircle.org. 

Apeqqutissaqaruit attaveqarfigiuk: Arctic Circle-ip allattoqarfia: Sigríður Blöndal, sigridur@arcticcircle.org, +354 868 6598 Nunanut Allanut pisortaqarfik: Kai Holst Andersen, kaoa@nanoq.gl, +299 55 33 31 Naalakkersuisut allattaat Ilannguaq Møller, ilmo@nanoq.gl