Europami Siunnersuisooqatigiit Siulittaasuat Donald Tusk

Naalakkersuisut Siulittaasuata Kim Kielsen-ip Statsminister Lars Løkke Rasmussen-illu Europami Siunnersuisooqatigiit Siulittaasuat Donald Tusk Kalaallit Nunaannut tikilluaqquaat

Naalakkersuisut Siulittaasuat Kim Kielsen statsminister Lars Løkke Rasmussen peqatigalugu majip ulluisa 17-ani 18-anilu Europami Siunnersuisooqatigiit Siulittaasuannut Donald Tuskimut Kalaallit Nunaannut tikeraartitsisuussapput.
 
Tikeraartitsineq Danmarkip Kalaallit nunaatalu ataatsimoorlutik aaqqissuussaraat, europamiullu oqaluuserisassaanni Kalaallit Nunaata Issittullu qitiusumik inissisimanerat tikeraartitsinermi ersersinniarneqarpoq.
 
Majip 18-ani Donald Tusk, Kim Kielsen taamatullu Lars Løkke Rasmussen ataatsimeeqatigiissapput, tassani Kalaallit nunaata silaannaap allanngoriartornera tassungalu atatillugu unammilligassateqqartorneqassallutik. Ataatsimiinnermissaaq oqaluuserisassatallat eqqartorneqassapput, Kalaallit Nunaata EU-llu attaveqatigiinnerat, tassaniEU-p Issittoq pillugu periusissiaa, EU-ppuisit amiinik eqqusseqqusiunnaarnerataamatullu Kalaallit nunaata ineriartornermut pingaarnersiuinera, taakkualu angunissaannut EU qanoq tapersiilluni suliniuteqarsinnaanersoq sammineqassallutik. Ataatsimiinneq Ilimanaq-mi ingerlanneqassaaq.
 
Naalakkersuisut Siulittaasuat imaoqaaseqarpoq:
 
” Donald Tusk-ip Kalaallit Nunaannuttikilluaqqunissaa qilanaareqaara. Kalaallit EU-mut soqutigisaasa ingerlanneqarneri pillugit Danmark Kalaallit Nunaallu suleqatigiinnerat pitsaavoq.
 
Kalaallit Nunaat 2015-mi EU-lu suleqatigiinnissamik isumaqatigiissuteqarnerput naammagisimaarluarpara, tassanilu Danmark EU-lu ukiuni aggersuni Kalaallit Nunaanni ataavartumik ineriartortitsinermut pingaarutilimmik inissisimapput.
 
Tikeraarnissaq piffissami pingaarutilimmi pissaaq, EU-mmi Issittumut periusissiaq naammasseqqammerpaa. Tusk-ip statsministerillu ataatsimeeqatigineranni Kalaallit Nunaata ineriartornissamut pilersaarutai Naalakkersuisullu siunissami EU-mik suleqateqarnissamut tunngatillugu pingaarnersiuinerat oqaluttuarissavara.”
 
Suleqatigiinnissamik isumaqatigiissutmartsip 19-anni 2015 Kalaallit Nunaata, Danmarkip EU-llu akornanni atsiorneqarpoq, tassani Kim Kielsen, qallunaat statsministeriat Europakommissionip siulittaasua Jean-Claude Juncker atsiortuupput. Ataatsimut nalunaarutip Kalaallit Nunaata EU-llu atorsinnaasaannik suleqatigiiffigisinnaasaat sinaakkusiunneqarput, pingaartumik nungusaataanngitsumik aalisakkanik aqutsineq, ilinniartitaaneq, nunappissarititai, issittumi pissutsit, inunnikisumaginninnermut tunngasut, ilisimatusarneq nutaaliornerlu kiisalu silappissusaata allanngoriartornera suleqatigiissutigineqassallutik.
 
Annertunerusumik apeqqutissaqaruitattavigiuk: Nunanut Allanut Pisortaqarfik, Jacob S. Isbosethsen, jsis@nanoq.gl, +299 55 67 72