Umiatsiaararsortut 54-it akuersissuteqarput

Stemningsbillede

Qeqertarsuarmi umiatsiaararsortut 54-it aalisarsinnaanermut ukioq manna akuersissummik tunineqarput.

Royal Greenlandip nittartakkakkut nutaarsiassaqartitsivia, Sermitsiaq.AG-imit aamma issuarneqartoq, allappoq nipisat suaat ukioq manna tunineqartut ikinnerusut, umiatsiaararsortut 60-it missaanniittut affaat nipisanniarnissamut akuersissutinik tunineqarsimanngimmata.
Royal Greenlandip nutaarsiassaqartitsivia allappoq: Qeqertarsuarmi suannik tunisineq maajip aallaqqaataani ammarneqarpoq. Maannamut suaat tonsit qulingiluat missingi tunineqareerput, tunisalli siornarniit annikinnerupput.

- Illoqarfimmi aalisartut 60-it affaasa missingi kisimik maannamut suanniarnissamut akuersissummik pissarsinikuummata nipisat suaannik tunisineq maannamut annikinneruneruvoq, Emil Mølgaard oqaluttuarpoq. Taannali aamma oqarpoq suannik tunisinerup annikinnerunera sulisut sulinerisa annikillineqarnerannik nassataqanngitsoq.”

Eqqunngilaq

- Eqqunngilaq illoqarfiup umiatsiaararsortuisa affaat aalisarsinnaanermut akuersissutinik tunineqarsimanngimmata, Qeqertarsuarmi umiatsiaararsortut 54-it ukioq manna aalisarsinnaanermut akuersissutinik tunineqarsimasut uppernarsaateqartikkatsigit, Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing erseqqissaavoq.

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: emanuel@nanoq.gl