Nuummi umiarsualivissami quersuassaq napparneqarpoq

Nuummi umiarsualivittaassap, Sikuki Nuuk Harbour-ip, quersuartassaata napparneqarnera marlunngornermi apriilip 12-ani immikut ittumik malunnartinneqarpoq.

Nappaanersiornermi Ineqarnermut Sanaartornermut Attaveqaqatigiinnermullu Naalakkersuisoq, Knud Kristiansen, Naalakkersuisut sinnerlugit najuuppoq.

Knud Kristiansen oqalugiarnermini ilaatigut oqarpoq Sikuki Havn ukiuni makkunani pisariaqartitatsinnut naapertuuttumik iliuuseqarnermut takussutissaaorigini, aamma siunissami illoqarfiit pingaarnersaanni nunallu sinnerani ineriartortitsinissap annertusaanissallu qularnaarneqarnissaanut siumut isigisinnaassuseqarnermut takussutissaasorigini.

Ingerlatseqatigiiffiup Sikuki Nuuk Harbour-ip aqutsisuineersoq, Lasse Bøgeskov Mousten, oqalugiarnermini ilaatigut oqarpoq ukioq manna juulip aallaqqaataat aallarnerfigalugu Nuummi maanna umiarsualivittut atorneqartoq ilanngullugu Sikuki-miit aqutarilertussaagitsik. Lasse Bøgeskov Mousten-illu oqalugiarnini naggaserlugu sanaartornermik suliaqartut tamarmik suliamik ingerlatsilluarnerannik qujassuteqarfigalugit nappaanersiornermi najuuttunut hurraarutigitippai.

Sikuki Nuuk Harbour-imi ukioq manna novembarimi atulertussami quersuassap nappaanersiornerqarnerani Ineqarnermut Sanaartornermut Attaveqaqatigiinnermullu Naalakkersuisup, Knud Kristiansen-ip
oqalugiaataa atuaruk.

Assilisat takukkit.