Kulturimut aningaasaliissutinut qinnuteqarfissat allanngorput

Naalakkersuisoqarfiup, kulturimut aningaasat, sisamanut immikoortitat tassa, Kulturimut tunngasunik suliaqartunut, filmiliornermut, atuakkanut kalaallisuunut aammalu eqqumiittuliornermut tapiissutinut qinnuteqarnermut killigititat pillugit soqutigisaqaatigiit akulerusimasullu, qinnuteqarfissat pillugit isumasioreerlugit nalunaarutigissavarput, qinnuteqarnissamut killiusut 2016 maajip allaqqaataanit atuutilersut tassaammata:  

1. maaji, 1. septemberi aamma 1. februari.

Killigitami 1. februari annerpaamik agguaanneqassapput ukiumut aningaasaliissutaasut 50%-ii.

Killigititami 1. maaji agguaanneqassapput  annerpaamik  ukiumoortumik aningaasaliissutaasut  15%-ii, aammalu aningaasat qinnuteqarfissami siuliani agguaanneqarsimanngitsut tamakkiisumik atuisoqarsimatinnagu. 

Killigititami 1. septemberi agguaanneqassapput  annerpaamik  ukiumoortumik aningaasaliisutaasut  35%-ii, aammalu aningaasat ukioq taanna qinnuteqarfissani siuliani pisimasuni tamakkiisumik atuisoqarsimatinnagu agguaanneqarsimanngitsut agguaanneqassallutik. 

Kultureqarnermut Naalakkersuisup aalajangiuppaattaaq, naalakkersuisoqarfik kingusinnerpaamik sapaatip akunneri arfineq pingasut qaangiutsinnagit qinnuteqaammut akissuteqartareersimassasoq.

Paasissutissanik sukumiisunik piniaruit inussiarnersumik qinnuigissavatsigit uunga saaffiginneqqullutit: Kim Larsen, toqq. att. 34 5744, kila@nanoq.gl