Kitsissuarsunniit avannamut nipisanniarneq

Avannaani Kitsissuarsunniit avannamut nipisanniarneq aallartissaaq

NAFO-p aqutsiveqarfiani 1A-mi nipisanniarneq sapaatiuppat 1. maj aallartissaaq. Nipisanniarfigineqartussaq pineqartoq tassaavoq Kitsissuarsunniit avannamut. Nunatta kitaata aqutsiveqarfiini arfineq-marluusuni nipisat katillugit 1.500 tonsit pisassiissutaapput. Aqutsiveqarfimmi 1A-mi nipisat 63 tonsit pisassiissutaapput.

 

Aqutsiveqarfimmi 1A-mi ulloq tunisineq kingulleq tassaassaaq sisamanngornermi juunip 16-at, pisassiissutit tamakkerlugit ulloq taanna nallertinnagu aalisarneqarsimanngippata.

 

Paasiniaavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq Jóhanna Lava Køtlum oqa. 34 50 00 imalt e-mail jool@nanoq.gl.