Air Greenlandimi Ataatsimeersuarneq 2016

Air Greenland Katuami ulloq 25. april 2016 ileqquusumik ataatsimeersuarpoq. Tassani ingerlatseqatigiiffik 2015-imut nalunaarummik naatsorsuutinillu saqqummiivoq. Sinneqartoorutit akileraarutit sioqqullugit 90,3 mio. kr.-iupput, tamannalu ukiumut naatsorsuiffimmut 2014-imut sanilliullugu 9,6 mio. kr.-inik pitsanngoriaataavoq.

Immikkut iluanaarutit 274 mio. kr.-iusut tunniunneqarnissaat ataatsimeersuarnermi akuersissutigineqarpoq, taakkunanngalu 102,75 kr.-init Namminersorlutik Oqartussat pissaraat. 2015-imi kaaviiaartitat kinguariarnerat siumut saatinneqarsimasoq ingerlatseqatigiiffiup nalunaarutigaa. Takornariaqarnikkut pilersaarusiorluakkanik suliniuteqarnikkut suliffeqarfik niuerfimmi ingerlatanik nutaanik pissarsiaqarsimavoq, pisariillisaanikkut aningaasartuutitigullu annikillisaanikkut ukioq angusaqarluarfiusoq qulakkeersimavaat. 2015-imi angallaffiunerpaami ilaasut 9%-imik amerleriarnerisigut Air Greenlandip ilaasut amerlanerusut ilaasorisimavai, tamannalu takornariartitsinikkut suliaqarnerutitsisimavoq.

Ataatsimeersuarnermi Namminersorlutik Oqartussat sinniisuutitaat Jens Willumsen aamma Julia Pars Søren Lennert Mortensen-imik aamma Bodil Marie Damgaard-imik taarserneqarsimapput. Tassunga atatillugu ukiuni amerlasuuni Jens. W. Willumsen-ip aamma Julia Pars-ip suleqatigisimanerat Namminersorlutik Oqartussanut qujassutissaavoq annertooq.

Danskit naalagaaffiata sinniisuutitatik ataatsimeersuarnermi toqqaqqissimavaat, SAS.-il-lu Benny Zakrisson Jan Torberger-imik taarsersimallugu. Siulersuisut tamarmiusut tassaalerput Søren Lennert Mortensen aamma Bodil Marie Damgaard Namminersorlutik Oqartussanit toqqarneqartut, Claus Holstein aamma Bjarne Eklund danskit naalagaaffiannit toqqarneqartut kiisalu Jan Torberger aamma Leif Rasmussen SAS-imit toqqarneqartut.

Annertunerusumik paasisaqarusunnermi saaffigineqarsinnaavoq Ingerlatseqatigiiffinnut Allattoqarfimmi immikkoortortaqarmimmi pisortaq Lars Balslev, laba@nanoq.gl oqa. 34 50 00

Ataatsimeersuarnermi assilisat una toorlugu nuisissinnaavatit.