Polar Seafood

Vittup assut iluarisimaarpai Polar Seafood-ip ukiumoortumik naatsorsuutaasa inerneri, nunatsinnilu inuiaqatigiinnut tunniussaat

Vittus Qujaukitsoq Polar Seafood-imut pilluaqqusivoq, ukiuni arlaqalersuni angusaannut pitsaanerpaanut tunngatillugu, inuiaqatigiinnilu kalaallini suliffissatigut nunattalu karsianut pingaaruteqartunut tunniussaannut iluarisimaarinninnini oqaatigaa.

Kalaallit Nunaanni suliffeqarfiit namminersortut annersaattut Polar Seafood-ip 3 mia. kr.-inik kaaviiaartitsinermigut angusai pitsaalluinnartut akileraarutit sioqqullugit 335 mio. kr.-it, ukiup siulianut sanilliullugu siuariaat 42 %-iuvoq, taamaalu ukiuni arlaqartuni angusat qaffasinnersaat 167 mio. kr.-iullutik.

Siuariarneq annertooq pingaarnertut nioqqutissiorfissuup nioqqutaasa pingaarnerpaat - raajat aamma qalerallit - akigissaartinneqarnerannik pissuteqarpoq, - Vittus Qujaukitsoq-llu isumalluarpoq Polar Seafood-ip 2016-imi ingerlatsinermini aamma naatsorsuutigisaanut tunngatillugu.