Qilalukkanik qernertanik qaqortanillu piniarnermut tunaartarisassat

Qilalukkanik qernertanik qaqortanillu piniarnermut tunngatillugu, APNN-ip erseqqissaatigissavaa, taamaallaat angallatit, angallatip angissusianut uppernarsaat malillugu 14 meter-inik takissuseq tamakkerlugu (t.t.) takitigisut taassuminngaluunniit mikinerusut atorneqassammata. Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaanni nr. 1, 15. januar 2016-imeersumi § 14, imm. 2 naapertorlugu, angallatit anginerusut atornissaat inerteqqutaavoq.

Taamatuttaaq APNN-ip erseqqissaatigissavaa, Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaanni nr. 1, 15. ja-nuar 2016-imeersumi § 14 imm. 3 naapertorlugu qilalukkanik qernertanik qaqortanillu angallatit qanorluunniit angissuseqartut kalittaatitut imaluunniit pisanut assartuutitut atorneqarnissaat inerteqqutaammat.

Qulaani taaneqartunik paragrafinik unioqqutitsinerit, Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaanni nr. 1, 15. januar 2016-imeersumi § 29 imm. 1-2-lu naapertorlugit akiliisitsinermik aamma pisamik arsaarinnissuteqarnermik Kalaallit Nunaanni pinerluttulerinermik inatsit malillugu pineqaatissiissutaasinnaapput.


Qulaani pineqartut pillugit apeqqutissaqartut qinnuigineqarput, immikkoortortami pisortaq, Amalie Jessen, amalie@nanoq.gl saaffigissagaat.