Silap pissusaa pillugu isumaqatigiissummut nunarput nangaassuteqarpoq

Inuussutissarsiornermut, Suliffeqarnermut, Niuernermut Nunanullu Allanut Naalakkersui-soq, Vittus Qujaukitsoq taavalu Pinngortitamut, Avatangiisinut Inatsisinillu Atuutsitsinermut Naalakkersuisoq, Mala Høy Kúko, ullormi 18. april, Naalakkersuisut aalajangiussaat, silap pissusaa pillugu isumaqatigiissummut nutaamut, ulloq 12. december 2015-imi Frankrigimi Si-lap pissusaa pillugu COP21-imi Parisimi isumaqatiginninniartoqarnerani peqataasunit isumaqatigiissutigineqartumut, Kalaallit Nunaat nunatut nangaassuteqartoq, Eqqissisimatitsinermut Avatangiisinullu Ataatsimiititaliamut nalunaarutigaa.

Kyotomi isumaqatigiissut, silap pissusaa pillugu isumaqatigiissummik nutaamik taarser-neqassaaq, isumaqatigiissut nutaaq Kalaallit Nunaata Danmark peqatigalugu peqataaf-figisaa piffissap pisussaaffeqarfiusup iluani 2008-miit 2012-imut. Isumaqatigiissummi tassani Kalaallit Nunaat kissattoornermi gassinik aniatitsinermi 8 pct-inik appartitsinissa-mut pisussaaffeqarsimavoq, Kalaallillu Nunaata appaasinnaannginnera pissutaalluni ukiuni tulleriinni CO2-mut 13,6 mio. kr.-t missaaniittunik akiliisariaqartarsimavoq.

Vittus Qujaukitsup aalajangiussaq tunngavilersorpaa:

'Naalakkersuisut Parisimi isumaqatigiissutip imarisaa Kalaallillu Nunaata isumaqatigiis-summut naalagaaffeqatigiinnerup iluani atuuttut naapertorlugit ilaasinnaanera sukumii-sumik nalilersorsimavaat.

Parisimi silap pissusaa pillugu isumaqatiginninniarneq sioqqullugu Naalakkersuisut uan-nut piginnaatitaassutaanni tunngavigineqarpoq, silap pissusaa pillugu isumaqatigiissum-mut nutaamut ilaalernermi kalaallit inuiaqatigiit aningaasaqarnikkut ineriartornissamik kissaataa eqqarsaatigineqassasoq.

Taamaattumik kalaallit tungaanniit isumaqatigiissummi inaarutaasumik allaqqasumi nu-nap inoqqaavisa pisinnaatitaaffiinik inatsisitigut pituttorsimasunik innersuussisoqarsi-mannginnera ugguaraarput, matumani nunap inoqqaavisa ineriartornissamut pisinnaa-titaaffiisa inaarutaasumik isumaqatigiissutip oqaasertaliussaanut ilaatinneqannginnerat ilanngullugu. Tamatuma kissaaterput qularnaarsimassagaluarpaa.

Aamma nalilerparput, naalagaaffiup iluani aningaasatigut ineriartornissamik kissaatitsin-nut naapertuuttumik aaqqissuussamik ilaasinnaanissatsinnullu periarfissiisumik nas-saassaqanngitsoq. Taamaattumik Parisimi isumaqatiginninniarnermut nunatut nangaas-suteqarneq aalajangiupparput.

Isumaqatigiissut atuutilissaaq Naalagaaffiit 55-it, nunarsuarmi kissattoornermi gassinik aniatitsinerit minnerpaamik 55 pct.-iinut akisussaasut isumaqatigiissummik atortussan-ngortitsippata. Parisimi isumaqatigiissut ulloq 1 januar 2020-imi atuutilernissaa naatsor-suutigineqarpoq.

Paasisaqarnerorusukkuit immikkut siunnersorti Pernille Bengtsen saaffigiuk (+299 345161/+299 55 33 27)