141 –inersimasunut kingunerlutitsisunut siunnersuisoqarfik

Oqarasuaat Inersimasunut meeraanermi kinguaassiutitigut atornerlunneqarsimasunut 141 pilersinneqarpoq.
Oqarasuaat ammasassaaq ulluni marlunngorneq & sisamanngorneq nal. 19 - 21 aamma arfininngorneq nal. 15.00 – 17.00.

Naalakkersuisut 2013-mi nuna tamakkerlugu angalaqatigiittartut pilersippaat, tarnip pissusaanik ilisimasallit angalaqatigiittartuni sulipput, taakku inersimasut meeraanerminni kinguaassiutitigut atornerlunneqarsimanermikkut kingunerlutsitsisunut katsorsaanermik suliaqarput. Oqarasuaat pilersinneqartoq suliamut tassunga uiggiutaavoq tapertaasussaq.
Oqarasuaammut sianerneq akeqanngilaq, oqarasuaat marlunngornermi 19.april 2016 ammassaaq.

Annertunerusumik paasisaqarusukkaanni attavigineqarsinnaavoq immiikkoortortami pisortaq Ellen Magnussen, oqarasuaat +299 346620, mai: ello@nanoq.gl