Qamuteralaat upernaakkut uuttorniarnermut akornusiipput

Stemningsbillede af Indlandsisen

Upernaakkut puisinniarneq akornusersorneqassanngilaq

Upernaakkut uuttorniarneq akornusersorneqassanngilaq inatsisillu atuuttut malillugit qamuteralaat atorlugit ingerlanneqaqqusaanani. Taamaattumik ukiup imaalinerani maleruagassap pineqartup puisinniartinnani eqqumaffigineqarnissaa Aalisarnermut Piniarnermut Nunalerinermullu Naalakkersuisoqarfimmiit (APNN) kaammattuutigineqarpoq.

Puisinniarnermi piniariaatsit akuerisaasut Puisinik illersuineq piniarnerlu pillugit Namminersorlutik Oqartussat nalunaarutaani nr. 16-imi, 12. oktober 2010-meersumi, § 6-imi allaatigineqarput.

Tassani § 6-imi, imm. 2-mi, allaqqavoq: ”Qamuteralaat sikukkut immikkullu aqqutigineqarsinnaasutut toqqarneqarsimasukkut pisanik assartuutigineqarsinnaapput, uuttorniarnermit pisat minillugit.”

Piniartut qamuteralaat puisinniarmut akornusiinerat pillugu arlaleriarlutik APNN-imut saaffiginnittarput. Unioqqutitsinerit Politiinut nalunaarutigineqartarput akiliisitsissummillu kinguneqarsinnaallutik.


Paasissutissat sukumiinerusut pissarsiarerusukkukkit attavigiuk: Immikkoortortaqarfimmi pisortaq Amalie Jessen, tlf: 34 53 04, e-mail: amalie@nanoq.gl