Danmarkimi qimmit uummatikkut qumaqarnertik pissutigalugu toqusarput

Asseq pisuusaartitaq: Naja Nuka Lund Mølgaard

Kalaallit Nunaanni Uumasunut Nakorsaqarnermut Inuussutissalerinermullu Oqartussat (VFMG) Danmarkimi qimminik, miluuffigisaminnut ilanngartuisunik uummatikkut qumannik (Angiostrogylus vasorum) eqqugaasimasut amerleriarsimanerujussuat maluginiarsimavaa.

Miluuffigisaminut ilanngartuisoq ukiuni arlalinni kingullerni Danmark tamakkerlugu siaruarsimavoq taamaattumillu nuna tamakkerlugu nikerartumik amerlassusilimmik nassaassaalluni. Piffissami kingullermi pingaartumik Københavnimi eqqaanilu qimmit tunillatsissimasut amerlerujussuarsimapput.

Tunillatsissimanerup takussutissartai amerlanertigut malunnanngingajattarput, nalinginnaasumillu aalajangersimasuusaratik. Kisianni Danmarkimi uumasut nakorsaat piffissami kingullermi tunillatsissimasunik amerlasuunik nalaataqarsimavoq, taakkunanilu tunillatsissimanermut ersiutit ersarinnerullutik. Danmarkimi uumasut nakorsaat oqarpoq, qimmit ilaat miluuffigisaminnut ilanngartuisunik tunillatsissimanerup kingunerisaanik toqusimasut.
Qimmilisarluni Danmarkiliartoqarnissaata sapinngisamik pinaveersaartinnissaa VFMG-mit kaammattuutigineqarpoq.

Qimmillit miluuffigisaminnut ilanngartuisunik eqqumaffiginnissapput, Danmarkimut "feeriartoq" tunillanneqarsinnaammat taannalu tuniluuttoq Kalaallit Nunatsinnut annguteratarsinnaallugu.

Taamaattumik qimmillit qimmilisarlutik Danmarkimukannginnerminni malittarisassanik misissuinissaminnik qulakkeerinninnissaat VFMG-p kaammattuutigaa. Assersuutigalugu sumiiffinni tunillaassuiffiusinnaasuni soorlu naatsiiviliarsuarni tamanut ammasuni sumiiffinnilu qimminik aneerussiffiukkajuttartuni qimmimik aneerussinaveersaarnikkut tamanna pisinnaavoq.

Danmarkimi miluuffigisaminnut ilanngartuisut siammarsimanerat diagramimi ataaniittumi miluuffigisaminnut ilanngartuisoqarfiusunik takutitsiviusumi takuneqarsinnaapput. Qaqortoq tassaavoq tunillaassuussimannginneruffigisaa, sungaartoq/sungaartoq aappaluaartoq tassaavoq tunillaassuuffiunerusimasoq, aappalaartoq tassaalluni tunillaassuuffiusorujussuaq.

Diagram internetikkut nittartakkamit uannga pissarsiarineqarpoq: http://hjertelungeorm.dk/da/hvor-findes-det/

Pisarnertut qimmilisarlutit angalatillutit qimmit allatut pissuseqalerpat, napparsimarpasippat nalornilaaruilluunniit uumasut nakorsarisannut saaffiginnissaatit.

Tamanna pissaaq qimmit - immaqalu affarlivit qimmia illersorniarlugit!

Attavigineqarsinnaavoq Kalaallit Nunaanni Uumasut Nakorsaqarfia Inuussutissalerinermullu Oqartussaaffik. Mail: uumasut@nanoq.gl