Sikuki Nuuk Harbour ileqquusumik ataatsimeersuarpoq

Sikuki

Sikuki Nuuk Harbour ulloq 14. april 2016 ileqquusumik ataatsimeersuarpoq. Ullormut oqaluuserisassani 2015-imut ukiumoortumik nalunaarusiap akuersissutigineqarnerata saniatigut siulersuisut katitigaanerat akuersissutigineqarpoq.

Sikuki-p Royal Arctic Line-llu suleqatigiinnerat nukittorsaaffiginiarlugu Royal Arctic Line-mi tuniniaaner-mut pisisartunullu tunngatillugu pisortaq Lars Borris Pedersen siulersuisuni ilaasortatut toqqarneqarpoq. Lars Royal Arctic Line-mi sulinermik misilittagaqarluarpoq Sikuki Nuuk Harbour-imilu siulersuisuni taarserpaa siusinnerusukkut Royal Arctic Line-mi COO-tut pisortallu tulliatut atorfeqarsimasoq. Lars Borris Pedersen-ip ilanngunnerata saniatigut siulersuisuni ilaasortat sinneri qinigaaqqipput. Taamaammat Sikuki-mi siuler-suisut tassaapput:

  • Lars Karlsson (Siulittaasoq)
  • Berit Koertz
  • Christine Tønnesen
  • Haukur Óskarsson
  • Lars Borris Pedersen

Ingerlatseqatigiiffiup ukiup aappassaani naatsorsuutaasa takutippaat akileraarutit peereerlugit 1,6 mio. koruu-ninik amigartoorfiusoq. Pilersaarutaasutut ingerlatseqatigiiffik piffissami tassani isertitaqarsimanngilaq. Umiarsualivissap nutaap sananeqarnerani ingerlatseqatigiiffiup ingerlanneqarneranut atatillugu taamaallaat aningaasartuuteqartoqarpoq, umiarsualivissaq 2016-ip naalernerani naammassineqassasoq naatsorsuutigineqarpoq.

Annertunerusumik paasisaqarusukkuit attavigiuk Lars Balslev, laba@nanoq.gl, +299 34 50 00