Sisimiut eqqaanni nipisanniartoqarsinnaalerpoq

Matumuuna nalunaarutigineqassaaq aqutsiveqarfimmi 1Bb-mi nipisat suaannik suanniarneq  aallartinneqassammat ataasinngorneq apriilip 18-anni. Pisassiissutigineqartut 90 tonsiupput. Nipisat suanniarneq unitsinneqassaaq pisassiissutigineqartut nunguppata imaluunniit ullut 47-t aalisarfigineqartussat nallerneqarpata. 1Bb-mi tunisineq kingulleq tassaasinnaassaaq tallimanngorneq juunip 3-at, tassa pisassiissutigineqartut piffissaq taaneqartoq nungussimanngippata.

 

Aqutsiveqarfik 1Bb

Tunngaviusumik killeqarfiup 64°15' N-ip aamma 67°22,5' N-ip akornanni 3 sømilit iluanni tassungalu atasumik kangerluit, tassaasut Kitaani Kangerlussuaq (Søndrestrømfjord) Kangerluarsussuarlu minillugit tunngaviusumik killeqarfiup 66°15' N-ip aamma 67°22,5'N-ip akornanni tunngaviusumik killeqarfimmit 3 sømilit iluanniittut.

Attavigineqarsinnaavoq Jóhanna Lava Køtlum, Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq. E-mail: jool@nanoq.gl