Kitaani nipisanniarneq aallartissaaq

Stemningsbillede

Aqutsiveqarfinni 1D-mi aamma 1C-mi nipisanniarneq ataasinngorpat apriilip 11-anni aallartissaaq. Nipisanniarfigineqartussaq pineqartoq tassaavoq Kangaamiunit Qeqertarsuatsiaanut.

Aqutsiveqarfimmilu 1E-mi, Paamiut eqqaanni, nipisanniarneq tallimanngornermi apriilip 15-ianni aallartissaaq.

Nunatta kitaata aqutsiveqarfiini arfineq-marluusuni nipisat katillugit 1.500 tonsit pisassiissutaapput.
Aqutsiveqarfimmi 1D-mi nipisat 522 tonsit pisassiissutaapput, 267 tonsit aqutsiveqarfimmut 1C-mut pisassiissutaallutik, 1E-milu 165 tonsit pisassiissutaasut.

Aqutsiveqarfimmi 1D-mi aamma 1C-mi ulloq tunisineq kingulleq tassaassaaq tallimanngorneq maajip 27-at, pisassiissutit tamakkerlugit ulloq taanna nallertinnagu aalisarneqarsimanngippata.

Aqutsiveqarfimmilu 1E-mi ulloq tunisineq kingulleq tassaassalluni marlunngorneq maajip 31-at.
Pisassiissutit tamakkerlugit aalisarneqarsimalerpata nalunaarutigineqassaaq.

Pisassiissutit tamakkerlugit aalisarneqanngippata aqutsiveqarfinni allani aalisarneqarsinnaasunngorlugit pineqassapput.

Annerusumik paasiniaavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq Jóhanna Lava Køtlum. Tel. 34 50 00. Mail: jool@nanoq.gl