Tunisinermut nalunaarut allanngorpoq

Nipisat MSC-mik pingaarutilimmik nalunaaqutilersornerinut atatillugu Naalakkersuisut tunisinermut nalunaarut naleqqussarlugu iluarsivaat, allannguutigineqartut apriilip 5-ianni 2016-imi atuutilissallutik.

Tunisinermi allannguutit pingaarnerit tassaapput pisat tamarmik sumullu atorneri Kalaallit Nunaanni Aalisarsinnaanermut Akuersissutinik Nakkutilliisoqarfimmut, KANUAANA, nalunaarutigineqartalernissaat. Pisat siunissami ima immikkoortinneqartalissapput.

  • Tulaanneqartut, pisiortortumut tunineqartut
  • Tulaanneqartut, kalaalimineerniarfimmut tunineqartut, il. il.
  • Tulaanneqartut, nammineq atugassatut pineqartarput – qimminut nerukkaatissatut aamma pineqarlutik
  • Arsaarinnissutaasimasut tulaanneqartut
  • Iginneqartut
  • Tulaanneqarnani uumatillugu avalatsinneqarpoq

 

Aalisariarnerit piniariarnerillu tamaasa nalunaarusiortoqartassaaq, pisat atugassatut pineqartussaatillugit pineqartussaatinnagilluunniit.

Pisat tassaallutik aalisakkat, immammi miluumasut, timmissat, koralit aamma svampit.  Aamma kapisillit, timmissat aamma immami miluumasut pisarineqartut amerlassusaat nalunaarutigineqartassapput.

Aalisartup pisussaaffigivaa suna pisarisimallugu nalunaarutigissallugu, pisarineqartut tamaasa tunitsivimmut tunineqartut  aamma qanoq pineqarnersut nalunaarutigissavai, KANUAANA-mut nalunaarutigineqassallutik.

Timmissat aamma immami miluumasut mappersakkamut Piniarnermut nalunaarsuisarneq, maannakkut nutaamik nalunaarsuisalerneq, sunniuteqassanngilaq.

Pinngortitaleriffik timmissat qanoq ittuussusiisa ilisarnaataannik suliaqarsimavoq. Taanna tunitsivinnut nassiussuunneqassaaq.

 

Apeqqutissaqartoqassappat Kalaallit Nunanni Aalisarsinnaanermut Akuersissutinik

Nakkutilliisoqarfimmut saaffiginnittoqarsinnaavoq.

Tlf: 345000

Fax: 346360

E-mail: GFLK@nanoq.gl