Piteqqamit eqqorneqartut oqaloqatigineqassapput

Tasiilami nunaqarfiinilu 2015-imi piterarmat Tasiilami aalisartut piniartullu aalisaatiminnik piniutiminnillu annaasaqartut Aalisarnermut, Piniarnermut Nunalerinermullu Naalakkersuisoqarfimmi sulisunit marlunnit Tasiilami apriilip 9-annit 16-iannut oqaloqatigineqarsinnaassapput.

Annaasaqarsimasut Naalakkersuisoqarfimmi ataqatigiissaarisumit Steen Brandtimit aamma siunnersortimit Per Mølgårdimit piffissami pineqartumi oqaloqatigineqarsinnaallutik.

Pilersaarut:

Aalisartut Piniartullu Peqatigiiffiat ataasinngornermi apriilip 11-anni nalunaaqutaq 09-mit 12-mut ataatsimeeqatigineqassaaq.

Aalisaatinik piniutinillu annaasaqarsimasut allatigullu siunnersortikkusuttut, ataasiakkaarlugit nalunaaqutaq 13-imit 16-imut oqaloqatigineqarsinnaapput.

Aamma marlunngornermi apriilip 12-anni nalunaaqutaq 9-mit 15-imut oqaloqatigineqarsinnaallutik.

Tasiilami inuussutissarsiornermut siunnersortit pingasunngornermi apriilip 13-ianni aamma sisamanngornermi apriilip 14-ianni ataatsimeeqatigineqassapput.

Aalisartut piniartullu Tasiilaq Auto & Marine Service ApS
suleqatigalugu aquuteralaap aserfallatsaalinissaanut sisamanngornermi apriilip 14-ianni aamma tallimanngornermi apriilip 15-ianni pikkorissarneqassapput.

Aalisarnermut, Piniarnermut Nunalerinermullu Naalakkersuisoqarfimmeersunit oqaloqateqarnissaq pillugu Tasiilami aalisartut piniartullu peqatigiiffianni siulittaasoq Frede Kilime saaffigineqarsinnaavoq, aamma aquuteralaap aserfallatsaalinissaanut pikkorissarnissamut aamma saaffigineqarsinnaalluni.
Mobiliata normoraa 236520.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi ataqatigiissaarisoq Steen Brandt. Mail: stbr@nanoq.gl mobiltelefon: 56 41 35