Kujataani nipisanniarneq aallartissaaq

Kujataani aqutsiveqarfimmi 1F-mi nipisanniarneq ataasinngornermi apriilip sisamaanni aallartissaaq. Aqutsiveqarfimmi nipisat pisassiissutigineqartut 114 tonsiupput.  

Nunatta kitaata aqutsiveqarfiini arfineq-marluusuni nipisat katillugit 1.500 tonsit pisassiissutaapput.

Aqutsiveqarfimmi 1F-mi ulloq tunisineq kingulleq tassaassaaq maajip 20-at, pisassiissutit tamakkerlugit ulloq taanna nallertinnagu aalisarneqarsimanngippata.

Pisassiissutit tamakkerlugit aalisarneqarsimalerpata nalunaarutigineqassaaq.

Pisassiissutit tamakkerlugit aalisarneqanngippata aqutsiveqarfinni allani aalisarneqarsinnaasunngorlugit pineqassapput.

Annerusumik paasiniaavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq Jóhanna Lava Køtlum.  Tel. 34 50 00. Mail: jool@nanoq.gl

 

Aqutsiveqarfik 1F tassaavoq:

Tunngaviusumik killeqarfiup 60°45' N-ip kujataata tungaani 3 sømilit iluanni tassungalu atasumik kangerluit, tassaasut Kitaani 60°45'N-ip kujataata tungaanit tunngaviusumik killeqarfimmit 3 sømilit iluannit kitaani Nunarssuit angullugit (60°45'N, 48°08'V); tassanngaanniit nunavik (60°50'N, 47°57'V) angullugu; tassanngaanniit nunakkut Prins Christians Sundip (60°12'N, 44°V) avannaata tungaa angullugu; tassanngaanniit kujammut 44°V sinerlugu tunngaviusumik killeqarfiup avataanit 3 sømilit angullugit; tassanngaanniit tunngaviusumik killeqarfiup avataani 60°45'N tikillugu 3 sømilit iluanniittut.

Immap assinga aajuna