Avatangiisinut nersornaasiut 2016

Piffissanngorpoq! Nunani Avannarlerni Siunnersuisoqatigiit avatangiisinut nersornaasiuttagaannut 2016-imut piukkussat innersuuguk

Nunani Avannarlerni Siunnersuisoqatigiit avatangiisinut nersornaasiuttagaannut 2016-imut kalaallinik piukkussanik innersuussisoqarsinnaalerpoq. Ukioq manna avatangiisinut nersornaasiinissami Nunani Avannarlerni atortut digitaliusut atorlugit nutaaliorneq nungusaataanngitsumillu inooriaaseqarneq qulequtarineqarpoq.

Tassalu Nunani Avannarlerni Siunnersuisoqatigiit avatangiisinut nersornaasiuttagaat ukioq manna ”suliffeqarfimmut, kattuffimmut imaluunniit inummut, tunisassiamik imaluunniit nassaamik allatulluunniit pilersitsiviusumik suliniuteqarnermik isumassarsiorfiusinnaasumik Nunani Avannarlerni atortut digitaliusut atorlugit nutaaliornermut nungusaataanngitsumillu inooriaaseqarnermut suleqataasimasumut” tunniunneqassaaq. Nersornaat 350.000 koruuninik aningaasartaqarpoq.

Nunani Avannarlerni Siunnersuisoqatigiit avatangiisinut nersornaasiuttagaannut ukioq manna piukkunneqartunik innersuussinissamut piffissaritinneqarpoq pingasunngorneq, 20. april 2016 nersornaallu Nunani Avannarlerni Siunnersuisoqatigiit ukiamut ataatsimeersuarneranut atatillugu tunniunneqassaaq.

Nunani Avannarlerni Siunnersuisoqatigiit avatangiisinut nersornaasiuttagaannut piukkussamik innersuussinissaq ajornanngitsuaraavoq. Nunani Avannarlerni Siunnersuisoqatigiit nittartagaanni nomineringsskema (innersuussinermut immersugassaq) nassaarisinnaavat, tassanilu paasissutissat uku immersussavatit:

  • Atit, oqarasuaativit normua aamma e-mailadresse-t
  • Piukkussap aqqa, e-mailadresse-a aamma oqarasuaataata normua
  • Innersuussininnut tunngavilersuutit, annerpaamik quppernermut A4-mut allanneqassaaq

Link-it matuma kingulianiittut aqqutigalugit Nunani Avannarlerni Siunnersuisoqatigiit avatangiisinut nersornaasiuttagaat pillugu annertunerusumik paasisaqarsinnaavutit, taamatullu taakkunani ukioq manna nersornaammut piukkussannik innersuussiniarlutit innersuussinermut immersugassaq nassaarisinnaavat.

http://www.norden.org/da/nordisk-raad/nordisk-raads-priser/nordisk-raads-natur-og-miljoepris/om-miljoeprisen

http://www.norden.org/da/nordisk-raad/nordisk-raads-priser/nordisk-raads-natur-og-miljoepris/nomineringsformular