Uumasut nakorsaat qimmilinnut kajumissaaruteqarput

Slædehundevæddeløb

Qimmivit nappaataat anigussagukku – qimmitit eqqortumik akiuussutissamik kapitittariaqarpatit

Qimmillip eqqaamassavaa qimmini ukioq siulleq pingasoriarlugu akiuussutissamik kapitissammagu, ukiut pingasut qaangiukkaangata aamma kapitittassallugu.

Assigiinngitsut marluusut maluginiakkit:
Perlerornermut akiuussutissaq qimmilerisumit tunniunneqartoq akeqanngilaq, qimmit nappaataannut akiuussutissaq uumasut nakorsaannit pisiarineqartoq akeqarmat. Qimmit nappaataannut akiuussutissaq 80 koruuneqarluni.

Qimmit nappaataannut akiuussutissaq sapaatip akunneri pingasut qaangiukkaangata aatsaat sunniuteqalersarpoq, qimmeq akiuussutissamik marloriarluni kapitereernerata kingorna, qaammat allorlugu aappassaannik kapitereerluni sunniuteqalersarluni.

Erseqqissaassutigineqassaaq akiuussutissaq qimmimut napparsimalereersimasumut katsorsaataasinnaanngimmat.

Akiuussutissaq napparsimanaveersaartitsisuuvoq – pinaveersaartitsisuulluni.

Qimmillit taakku maleqqissaarlugit iliorunik qimmitik qimmit nappaataannut akiuussutissaqalersitsilluassapput.

Pingaaruteqarpoq qimmit tamarmik akiuussutissamik kapitinneqarsimanissaat, taamaalilluni qimmit nappaataat qimmini nappaalatitsiunnaassaaq.

Qimmit pitussimaneqassapput qimmiaqqallu ungalusaniissallutik – qimmit allanit tunillatsinneqassanngillat allanullu tunillaassuinatik.

Attavigineqarsinnaavoq Sanne Eline Wennerberg, uumasut nakorsaat, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik. Mail: uumasut@nanoq.gl