Aasiaanni innuttaasunik ataatsimiititsineq iluatsilluartoq

Ilaqutariinnermut, Naligiissitaanermut Isumaginninnermullu Naalakkersuisup Martha Lund Olsenip Aasianni ippassaq marlunngornermi 16. marts innuttaasunik ataatsimiititsinissaq angumereqqarlugu anngunnissaa iluatsippoq - ippassaammat Qasigiannguani assingusumik ataatsimiititsinissaq angallannermi pissutsinik pissuteqartumik taamaatiinnartariaqarsimalluni.

Aasianni innuttaasunik ataatsimiititsineq annertoorujussuarmik soqutigineqarpoq, tassami katersortarfimmi ”Qassi”-mi innuttaasut soqutiginnittut apeqquteqarusuttullu 50-it missaanniittut takkupput.

Naalakkersuisup Martha Lund Olsen-ip suliaqarneq suliniutillu saqqummiuppai makkununnga tunngasut

  • Meeqqat ukiuat 2016-imut tunngatillugu meeqqanut inuusuttunullu suliassaqarfik
  • siusinaartumik pensinisiat, ulloq 1. juli 2016 atuutilertussat
  • Isumaginnittoqarfiup aqunneqarnera aaqqissuussaaneralu pillugit inatsisip allannguuteqartinneqarnissaa

Tamatuma kingorna apeqquteqarsinnaaneq innuttaasunit oqaaseqarnissamut periarfissaqartinneqartoq, inuuniarnermi atukkanut imaannaanngitsunut samminniffiuvoq. Siusinaartumik pensionisianut, innarluutillit atugaannut – aamma meeqqat inuusuttullu qanoq iliorluni ilaqutariit sammillugit ikiorneqarsinnaanerannut tunngatillugu annertuumik apeqquteqarusuttoqarpoq.
Ilaqutariinnermut, Naligiissitaanermut Isumaginninnermullu Naalakkersuisup Martha Lund Olsenip innuttaasut annertoorujussuarmik peqataarusullutik takutitsinerat nuannaarutigalugu oqaatigaa aammalu ilaatigut innarluutilinnut suliassaqarfimmi inatsisinik iluarsaassinissamut pisussamut suleriaqqinnissamini aamma isumassarsiorfiusinnaasunik immersorneqarnerminut qujalluni.

Itisinerusumik paasissutissanik pisariaqartitsigaanni Naalakkersuisumut allatsimut attaveqartoqarsinnaavoq, Hanne Nielsen mobil +299 539371 email: hani@nanoq.gl