Nuummi AWG-eqarnerani Vittus Qujaukitsoq ataatsimeeqateqaqattaarpoq

Nuummi Arctic Winter Games-eqarnerani Inuussutissarsiornermut, Suliffeqarnermut, Niuernermut Nunanut allanut Naalakkersuisoq ataatsimeeqateqaqattaarpoq

Nuummi Arctic Winter Games ingerlanneqarnerani nunani sanilerisatsinneersunik  suleqatinik Arctic Winter Games-eqartoqarnerani nuummiittunik Vittus Qujaukitsoq ataatsimeeqateqarpoq.

Ataatsimiinnermi makku ataatsimeeqatigineqarput; Canadap Københavnimi aallartitaa Andre Francois Giroux, Norgemi Sametingimi Siulittaasoq Aili Keskitalo, Nunavut Tunngavik Incorporated-imi Siulittaasoq Cathy Towtongie taamatullu Makivik Corporation-ip Siulittaasua Jobie Tukkiapik

Nunanik sanilerisatsinnik ataatsimeeqateqarnermi pingaartumik inuussutissarsiorneq nunanullu allanut tunngassutilinnik eqqartuisoqarpoq.

Tunuliaqutit:
Inuit Nunavumiittut Nunavut Tunngavik Incorporated-ip (NTI) soqutigisaannut sinniisaavoq, Nunavut Land Claims-imilu isumaqatigiissutit aallaavigalugit ingerlatsillunilu aningaasalersuisuusoq. Inuit Nunavimmeersut Makivik Corporation-i sinniisigaat,  James Bay taamatullu Northern Quebec-imi isumaqatigiissutit aallaavigalugit ingerlatsillunilu aningaasalersuisuusoq. 

Canadami Nunavut Tunngavik Incorporated-ip taamatullu Makivik Corporation-ip Inuit Nunavummiittut Nunavimmiittullu sinnerlugit suliffeqarfiit arlalippassuit ingerlatarivaat. Ingerlatsiviit marluusut taakku inuuniarnikkut siuarsaanerit pitsanngorsarnissaasa qulakkeernissaat, ineqarneq, Inuillu oqaasii, kulturiat taamatullu sumiiffinni avatangiisitigut illersuinerit qulakkeerneqarnissaat suliaraat. 

Norge-mi Sametinget nuna tamakkerlugu same-t Norgemeersut sinniisaattut inunnit qinerneqarsimasut katersuuttarfigaat.

Apeqqutissaqarussi attavigineqarsinnaavoq: Naalakkersuisup allattaa Nauja Møller +299 544142