Peqatigiiffiit sisamat aningaasanik agguagassanik pissarsipput

Stemningsbillede af Indlandsisen

Peqatigiiffiit sisamat arlaannaannulluunniit attuumassuteqanngitsumik paasisassarsiornermut aningaasanik agguagassanik pissarsipput.

2015-ip ingerlanerani peqatigiiffiit ataani taaneqartut tamarmik immikkut 250.000,- kr-nik aningaasaliiffigineqarput:

Transparency International Greenland
Suliniut taaguuteqartoq: ”Nuna Allanngutsaaliugaq”.

KNR - Kalaallit Nunaata Radioa
Suliniut taaguuteqartoq: ”Kuannersuarni Killavaallu Alannguanni siunissami suliffissualiassanik suliniutissat”.

ICC - Inuit Circumpolar Council Greenland
Suliniut taaguuteqartoq: ”Kuannersuit pillugit innuttaasut peqataatinneqarnerunissaat”.

SIK / KANUKOKA – Sulinermik Inuussutissarsiuteqartut Kattuffiat / Kalaallit Nunaanni Kommuneqarfiit Kattuffiat
Suliniut taaguutilik: ”Kalaallit Nunaanni najukkani assigiinngitsuni suliffeqarfiit suliffissuarnut anginerusunut suliniutinit qanoq sunnerneqassanersut”.

Aningaasaliissutit tamarmik Inatsisartut Aningaasanut Inatsisaannit kontumit pingaarnermit 10.06.27-meersumit aningaasat agguagassat pillugit arlaannaannulluunniit attuumassuteqanngitsumik suliffissuarnut anginerusunut suliniutinut paasisassarsiornernut tunngatillugu tapiissutitut 2015 –imi suliniutinut pineqartunut tunniunneqarput.

Namminersorlutik Oqartussat arlaannaannulluunniit attuumassuteqanngitsumik suliffissuarnut anginerusunut suliniutinut tapiissutitut aningaasat agguagassiissutaat Nunatsinni tusagassiorfinnut arlaannaannulluunniit attuumassuteqanngitsumik Nunatsinnilu soqutigisaqaqatigiiffinnut kiisalu inuit ataasiakkaat aningaasanik qinnuteqarsinnaanermik periarfissaqarnissaasa kissaatigineqarnera tunuliaqutaavoq. Aningaasanik tunniussinermi siunertaavoq tusarniaanermut akissutissanik suliaqarnissamut immikkut ilisimasallit arlaannaannulluunniit attuumassuteqanngitsut ilanngutitinneqarnissaat, kiisalu suliffissuarnut anginerusunut pilersaarusianut annertuunut arlaannaannulluunniit attuumassuteqanngitsumik paasisassarsiornerup suliarinissaanut. Siunertamut aningaasat agguagassiissutit immikkoortitat Aningaasanut Inatsimmi konto pingaarneq 10.06.27 –imi aalajangersimasumik inissisimapput, ukiumoortumillu 1.000.000,- koruunit akuersissutigineqartarlutik.

Suliffissuarnut aninginerusunut pilersaarusianut atatillugu arlaannaannulluunniit attuumassuteqanngitsumik paasisassarsiornernut aningaasanik agguaassasanut tapiissuteqarnissamut 2016-mi ataavartumik qinnuteqarusuttunut ammavoq.

Annertunerusumik paasisaqarusunnermi saaffigineqarsinnaavoq Naalakkersuisut Siulittaasuata Naalakkersuisoqarfiani immikkut siunnersorti Kunuk Holm, oqa. +299 34 52 28, kuho@nanoq.gl