Inughuit nannutassiissutit paasiuminaatsippaat

Ilumoorpoq Qaanaami inuussutissarsiorneq pillugu isumasioqatigiittoqarmat piniartunut  nannut arfiniliinnaat ukiumut pisassiissutaasarneri pillugit nalilersuisariaqalerama.

Ima paasineqassanngilaq, nannuttassanik aalajangiisussanngoraangama tamanna ilisimasaqarfiginagu aalajangiisartunga, soorlu taama KNR.gl allattoq. Taamaaqqajanngilarmi.

Ilumoortorli tassaavoq, soorlu allaatigisanni allattunga, inughuit ukiumut nannunik taama ikitsigisunik  pisaqartalersimanertik sungiukkuminaatseqigaat, piniagassat killilersorneqartalernerisa kingorna.

Soorunalimi ilisimavara Inatsisartut pisassiissutit aalajangersarneqartarnissaannut inatsiseqarmat, nunat tamat isumaqatigiissutaat, uumassusilerisut innersuussisarneri tunngavigalugit pisassiisoqartartussaalluni.  Isumaqarpunga nalunaarutip 2005-imeersup nutarternissaa pisariaqalertoq.

Naalakkersuisutut qularinagu ilisimavara peqassutsimut siunnersuisoqaraangat, taakkulu tunngavigalugit aalajangiisoqaraangat piniartut amerlassusaat tunngavigineqarneq ajormat.

Taamaattumik aallaatigisami erseqqissarlugu oqaatigivara nannuttassat Qaanaap eqqaani amerlineqassappata, pisortaqarfiit imaluunniit pisassiissutinik susassaqartut suleqatigiissutigisariaqaraat, uumassusilerisut amerlaneqarnissaannut innersuussissappata.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi paasissutissiisartoq, Ludvig Siegstad. Mail: lusi@nanoq.gl