Kommunit Nakkutilliisoqarfiani ilaasortat nutarterput

Nakkutilliisoqarfik makkuninnga inuttaqarpoq:

Solja I Ólavsstovu, siulittaasoq

Inatsisartut toqqagaat:

Ruth Heilmann               Nikolaj Heinrich sinniisoralugu

Agathe Fontain               Iddimanngiiu Jensen Bianco sinniisoralugu

Kanukoka –mit toqqakkat:

Palle Jerimiassen          Simon Simonsen sinniisoralugu

Hans Aronsen                Malene Ingemann sinniisoralugu

Naalakkersuisut Sulittaasuata Naalakkersuisoqarfiani Nunamut Namminermi Pissutsinut Immikkoortortaqarfik Nakkutilliisoqarfiup allattoqarfigivaa, ulluinnarni ingerlatsineq kiisalu kommuninut nakkutilliineq Nakkutilliisoqarfik sinnerlugu ingerlataralugu.

Kommunit aqunneqarnerat pillugu Inatsisartut inatsisaat nr. 22, 18. november 2010-meersumi § 57-imi takuneqarsinnaavoq Naalakkersuisut nakkutigissavaat kommunalbestyrelsit ingerlatsinerminni inatsimmi matumani maleruagassat malinneraat, aammalu pisortani maleruagassat atuuttut naapertorlugit ingerlatsinersut.”

Saaffiginnissutit amerlanersaat allaffissornikkut naammassineqartarput. Nakkutilliisoqarfiup Siulittaasua attavigineqartarpoq, aqunneqarneq pillugu inatsimmi § 65, tassalu aalajangigaq atorunnaarsikkallarsinnaaneranik nalilersuilersillugu, kiisalu inatsimmi kapitali 9 Iliuusereriikkanut kinguneqartitsinerit/pinngitsaaliissutinik akilersuisussanngortitsinerit.

Inatsimmi § 61-imi aalajangersarneqarpoq, Nakkulliisoqarfik ataatsimiittassaaq siulittaasup imaluunniit ilaasortat pingasut pisariaqartitsinerat tunngavigalugu.

Siusinnerusukkut siulittaasorlu isumaqatigissutaavoq Nakkutilliisoqarfik ataatsimiisinneqassasoq sapaatip akunnerani 14-mi.

 

Attavissaq: Nunami Namminermi Pissutsinut Immikkoortortaqarfimmi pisortaq Martha Abelsen, tlf. 345111 maab@nanoq.gl