Aqutsisoqarfimmi pisortaq soraartoq

Digitaliseriinermut aqutsisoqarfimmi pisortaq Dorte Bøge Sørensen ilaquttamini pissutsit atorfimminilu allanngortitsisariaqalernerup kingunerisaanik atorfimminit soraartussanngorpoq. Tamatuma kingunerisaanik Digitaliseriinermut aqutsisoqarfimmi aqutsineq immikkoortoqarfimmi pisortamit Deniz Gøgenur-imit isumagineqarallassaaq. Periusissat, suliniutit nutarterinissallu Dorte Bøge Sørensenimit aallartisarneqarsimasut ingerlatiinnarneqassapput. Digitaliseriinermut tunngasuni pilersaarutaareersutut ineriartortitsineq unikaallatsikkumanagu piffissami aggersumi suliniutinut tunngatillugu ilisimasani allatigullu ilisimasani Dorte Bøge Sørensenip suleqatiminut tunniussuuttussaassavai.

Dorte Bøge Sørensenip suliaanut annertuunut Aningaasaqarnermut Naalakkersuisoqarfik qujassuteqarpoq.

 

Paasisaqarnerorusuttut attavigisinnaavaat Aningaasaqarnermut Naalakkersuisoqarfimmi pisortaq Nikolai S. Christensen, oqarasuaat +299 34 50 00 imaluunniit e-mail nsch@nanoq.gl.