Aaffattassiissutit

2015-imi aaffattassiissutit sinneruttut ukioq pisassiivik 2016-imut nuunneqarput

Piniarnermut Naalakkersuisoq Karl-Kristian Kruse ulloq 17. februar 2016-imi aarrit 2015-imi pisassiissutit sinneruttut ukioq mannamut nuunneqarnissai (carry-over) akuerai. Ukioq 2014 aallarniutigalugu aarrit pisassiissutit nungunngitsoorneqassagaluarpata ukiup tullianut nuunneqarsinnaalernikkuupput.

Aaveqatigiit  2015-imi
pisassiissutit 
2015-imi
pisat 
2016-imut
nuunneqartussat Carry-over 
Avannaata Imartaa  86 74 
Kitaani  69  53  16
Kangiani  18  14 

* Maleruagassat naapertorlugit unioqqutitsinikkut pisat imaluunniit pisassiissutinik sippuinerit aqutsiveqarfimmi pineqartumi ukioq pisassiivimmi tullermi ilanngaatigineqassapput

Pisassiissutit sinneruttut kommuninut agguaanneqassapput, tassanilu aalajangiissapput qanoq iluaqutigineqassanersut. Assersuutigalugu Qaasuitsup Kommuniata nammineq aalajangersinnaavaa kommunimut pisassiissutip tamakkiisup iluaniit qanoq annertutigisoq sumiiffimmi ataasiakkaani nammineq pilersorsinnaanermut atugassatut iluaqutigitinniarneqarnersut imaluunniit aarrit ataasiakkaat illikartunut. Taamaattoq uumasoqatigiit akimorlugit nuussisoqarsinnaanngilaq.

2015-imut akuersissutit ukioq manna atorneqartut ulloq pisaqarfik aamma ”2015sinneruttut>2016”-imik nalunaaqutserneqassapput.

Inatsiseqarneq
Aaffanniarnermut atatillugu aalajangersakkat Aarrit illersugaanerat piniagaanerallu pillugit Namminersornerullutik Oqartussat Nalunaarutaat nr. 20, 27. oktober 2006-imeersumi erseqqissumik aalajangersarsimapput.

Sukumiinerusumik paasisaqarorusukkaanni, attavigiuk: Immikkoortortami pisortaq Amalie Jessen, tlf. 34 53 04, e-mail: amalie@nanoq.gl