Misileraalluni saarullinniarnissaq

Trawler

Naalakkersuisut nunatta kitaani misileraalluni saarullinniarnissamut periarfissiipput

Nunatta kitaani 2016-imi saarullinniarnissamut kingumut periarfissaqaqqilerpoq, Naalakkersuisut aalajangermata Qaqortup kangerliumarngata avannaata avataani saarullinnik 5.000 tonsinik pisassiimmata.

Saarulliit tamaani ukiuni kingullerni utersaariartuaarput, 2015-imi misileraalluni aalisarneqaqqilerlutik.

Saarulliit suli maannamut amerliartorput, nunatta kitaata sineriaani suliffissaqartitsilluarlutik.

- Nunatta kitaani 2016-imi misileraalluni saarullinniartitsissalluta aalajangerpugut, aalisakkat tunitsivinni suliffissaqartitsilluartarmata. Pingaartissimavarput pisassiissutigineqartut aalisariutinik sinerissap qanittuani aalisartartunit ningittagarsuutinillu aalisarneqarnissaat. Pisassiissutigineqartut tamavimmik, 100 procentimik, tulaanneqartussaatitaapput, tunisassiorfinni nerpii saaneqanngitsunngorlugit tunisassiarineqartussaatitaallutik, Aalisarnermut, Piniarnermut, Nunalerinermullu Naalakkersuisoq Karl-Kristian Kruse oqarpoq.

Misileraalluni aalisarnerup siunertaraa sumiiffiup aalisagaqassusia misissussallugu, taamaattumik piumasarineqarpoq sumiiffik siamasissumik misileraaffigalugu aalisarfigineqassasoq.

Sumiiffik misileraaffigineqartussaq tassaavoq NAFO 1B-1E. Aalisakkat qeritinnagit suliareqqitassanngorlugit tulaanneqartassapput., aalisariutit nunatsinneersut kisimik tulaassisinnaatitaallutik.

Pinngortitaleriffik aamma Aalisarnermut, Piniarnermut Nunalerinermullu Naalakkersuisoqarfik aalisarneq pillugu malittarisassaqartitsivoq.

Qinnuteqarfissaq kingulleq tassaavoq februaarip 29-at. Qinnuteqarfissaq uani aaneqarsinnaavoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq Jóhanna Lava Køtlum. Mail jool@nanoq.gl telefuuni 345353.