Namminersorlutik Oqartussanut isersinnaaneq

Nuuk Centerimi, illorsuarmi aappaluttumi Namminersorlutik Oqartussani Naalakkersuisoqarfiit qitiusumik allaffeqarfiini kiisalu Inatsisartut allaffeqarfianni isumannaallisaaneq eqqarsaatigalugu Namminersorlutik Oqartussanut isersinnaanermut tunngasut maannakkut sukateriffigineqarput.

Tamatuma kingunerisaanik avataaneersut susassaqartut pulaarniartullu, Naalakkersuisunut, Naalakkersuisoqarfinnut aamma Inatsisartunut ornigunni-artut tamarmik mannamiit saaffiginnittarfinnut takkunnertik nalunaarutigalugu saaffiginnittassapput, tamatumalu kingorna Namminersorlutik Oqartussani ingerlaqqinnerminni ingiaqatigineqartassallutik, aamma Namminersorlutik Oqartussaniit aniartornerminni.

Akileraartarnermut Aqutsisoqarfiup innuttaasunik sullissivia, immikkut isertarfeqartoq, kalluarneqassanngilaq.

 

Annertunerusumik paasisaqarusunnermi attaveqarfissaq:

Namminersorlutik Oqartussani qitiusumik allaffeqarfiini Isumannaallisaanermut ataatsimiititaliami siulittaasoq, Mininnguaq Kleist, tlf. 345132, email: mikl@nanoq.gl