Suliassaqarfinnik tunniussineq

Naalakkersuisut Siulittaasuat Kim Kielsen aalajangerpoq, suliassaqarfiit Aningaasaqarneq Aatsitassallu aamma Inuussutissarsiorneq, Suliffeqarneq Niuernerlu agguarneqarnerat Anda Uldumip napparsimalluni sulinngiffeqalernerani atuuttoq Naalakkersuisooqatigiinnissamullu isumaqatigiissummiittoq uterfiginiarlugu. Taamaammat ullumi marlunngornermi 2. februaari 2016 nal. 10.00 Aningaasaqarnermut Naalakkersuisoqarfimmi suliassaqarfinnik tunniussissaaq.

Vittus Qujaukitsup Naalakkersuisuuffigisimasani tigoqqissavai Inuussutissarsiornermut, Sulisoqarnermut, Niuernermut Nunanullu Allanut Naalakkersuisunngoqqissalluni.

NIlanngullugu aalakkersuisunut ilaasortap Randi Vestergaard Evaldsenip Naalakkersuisunut ilaasortaasimasup Anda Uldumip akisussaafffigisimasai tigussavai Aningaasaqarnermut Aatsitassanullu Naalakkersuisunngussalluni.

 

Paasisaqarnerorusuttut attavigisinnaavaat Naalakkersuisunut allatsit Karen Motzfeldt imaluunniit Kirsten Enequist, oqarasuaat +299 34 50 00 imaluunniit e-mail karm@nanoq.gl imaluunniit kien@nanoq.gl.