Qimmit 200-t sinneqartut akiuussutissamik kapineqarput

Qeqertami qimmit napparsimanngitsut 221-t akiuussutissamik sapaatip akunnerata naanerani kapineqarput. Qimmeq ataaseq qimmit nappaataannik tallimanngormat toqquvoq. Naatsorsuutigineqarporli qimmit amerlanerit toqusinnaanissaat, akiuussutissamik kapuut suli sunniutinngitsoq toqusinnaallutik.

Saqqami qimmit napparsimanngitsut 265-it akiuussutissamik aamma kapineqarsimapput. Qimmit maannamut suli 80-it akiuussutissamik kapineqarsimanngillat. Kalaallit Nunaanni Uumasunut Nakorsaqarfik Inuussutissalerinermullu Oqartussaaffimmit, ONIO, ilisimatitsissutigineqarpoq Saqqami qimmit qimmit nappaataannik napparsimasimanngimmata.

eqertami Saqqamilu qimmit akiuussutissaannik kapisisartut qimmilinnut inassuteqarsimapput pisortat ilungersortumik inassuteqaataat naapertorlugit iliortaqqullugit.

NIO-mit aamma ilisimatitsissutigineqarpoq akiuussutissamik kapisisartut, qimmiutillit, Qaasuitsup Kommunia aamma Kalaallit Nunaanni Uumasunut Nakorsaqarfik Inuussutissalerinermullu Oqartussaaffik suleqatigiilluarmata.

ONIO-mi immikkoortortami pisortaq Ólavu Niclasen erseqqissaavoq ONIO Qaasuitsup Kommunianik ataavartumik qimmit nappaataata tunillaassuutinnginnissaa anguniarlugu attaveqarlunilu suleqateqarmat.

Qimmit nappaataat tunillaasuararsuuvoq. Taamaattumik uku sukkulluunniit maleqqissaarneqassapput: qimmit tamarmik ungalusaniissapput pitussimassallutilluunniit; qimmit napparsimasut immikkut inissinneqartassapput, toqunneqassallutik ikullanneqarlutillu. Saligaatsuunissaq eqqiluisaarnissarlu pingaaruteqarput, qimmit tamarmik napparsimanngitsut akiuussutissamik kapineqartassallutik.

Attavigineqarsinnaavoq Ólavu Niclasen, imkkoortortami pisortaq, ONIO. Mail: olni@nanoq.gl