Ironbark pillugu innuttaasunik ataatsimiisitsinissat

Ironbark pillugu innuttaasunik ataatsimiisitsinissat, 28. jannuaari Tasiilami aamma 4. februaari Qaqortumi

Ironbark Zinc Limited-ip Citronen Fjord-imi Zinkimik aamma Aqerlumik peqarfimmi piiaanissamik qinnuteqaataanut tunngatillugu Naalakkersuisut innuttaasunik ataatsimiisitsinissanut ulluni 28. jannuaari Tasiilami aammalu 4. februuari Qaqortumi.

Tamanut ataatsimiititsinerit ulluni sumiiffinnilu makkunani ingerlanneqassapput:

Ulloq Piffissaq Illoqarfik Sumiiffik
28. jan. 19.00 - 22.00 Tasiilaq Katersortarfik
4. feb. 19.00 - 22.00 Qaqortoq Katersortarfik

Tusarniaanermut najoqqutassat tamanut saqqummiunneqarnerinut aamma Namminersorlutik Oqartussat nittartagaanni tamanut tusarniaassutigineqarnerannut atatillugu tamanut ammasumik ataatsimiititsinerit oqartussaasunit ingerlanneqassapput.

Innuttaasut suliassaq pillugu nassuiaanneqarnissamut tamatumalu kingorna suliassamik piginnittuusunut, oqartussaasunut aamma suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarsinnaanissaat siunertaralugu, innuttaasunik ataatsimiititsinerit aaqqissuunneqarput.

Tasiilami Pinngortitamut Avatangiisinut Inatsisinillu Atuutsitsinermut Naalakkersuisoq Mala Høy Kúko, DCE-mit immikkut ilisimasallit kiisalu Ironbarkimeersut peqataassapput.

Qaqortumi Aningaasaqarnermut Aatsitassaqarnermut Nunanullu Allanut Naalakkersuisoq, Vittus Qujaukitsoq, Avatangiisinut, Pinngortitamut Inatsisinillu Atuutsitsinermut Naalakkersuisoq, Mala Høy Kúko, DCE-mit immikkut ilisimasallit kiisalu Ironbarkimeersut peqataassapput. Taakku saniatigut peqataassaaq borgmesteri Jørgen Wæver Johansen.

Tamanut ammasumik ataatsimiititsinerit kalaallisut aamma danskisut ingerlanneqassapput.

Aggialluarisi

Vittus Qujaukitsoq
Mala Høy Kúko

Saaffissaq: Pia Cordt Olsen, AC-fuldmægtigi, Avatangiisinut, Pinngortitamut Inatsisinillu Atuutsitsinermut Naalakkersuisoqarfik, e-mail-ikkut pico@nanoq.gl, oqarasuaat: 345452