Qimmit 20-t qimmit nappaataannik toqusut

Nunatsinni uumasut nakorsaqarfik inuussutissalerinermillu oqartussaaffik Qeqertamit Saqqamiillu qimmit nappaalalersimaneri pillugit ilisimatinneqarluni saaffigineqarsimavoq.

- Ilisimatinneqarpugut Qeqertami qimmit qimmeqatigiinnit marlunnit 20-t missaanniittut toqusimasut, Saqqamilu qimmit tallimat missaanniittut aamma toqusimallutik, uumasut nakorsaat Jennifer Andersen, uumasut nakorsaqarfik inuussutissalerinermillu oqartussaaffimmeersoq, UNIO, oqarpoq.

Qimmit nappaataasa ersiutaat tunngavigalugu uumasut nakorsaat naliliipput, qimmit nappaataasa malunniutaasa allaaserineqarnerat tunngavigalugu, qularnanngitsumik  qimmit nappataat tassaasoq qimmit nappaatigisartagaat canine distember virus.

- Qimmiutillit kajumissaarusuppagut qimmitik pisarnertik naapertorlugu qimmit nappaataannut parvo-virusimullu akiuussutissamik kapittaqqullugit, perlerornermut, rabies, inatsisit naapertorlugit  pisussaaffittut kapiteqqullugit, Jennifer Andersen oqarpoq.

- Inatsisit naapertorlugit qimmiutillit qimmitik  perlerornermut, rabies, kapitittussaavaat.  Qimmiutillillu kajumissaarusuppagut qimmitik qimmit nappaataannut parvo-virusimullu akiuussutissamik aamma kapitittassagaat, Jennifer Andersen oqarpoq.

Qimmillip qimmini akiuussutissamik piffissaq eqqorlugu kapitissallugit akisussaaffigivaa.

- Taamaattumik kommunit qimmiutilinnut perlerornermut akiuussutissamut qimmit nappaataannut parvo-virusimillu aamma akiuussutissat ilanngullugit neqeroorutigisarpaat, uumasut nakorsat Jennifer Andersen erseqqissaavoq.

Ilanngussami qimmit nappaataat pillugu paasissutissat atuakkit.

 

Attavigineqarsinnaavoq: uumasut@nanoq.gl