Ilinniagaqalernissamut piareersarnermut pikkorissartitsisarneq ingerlanneqartarsimasoq unitsinneqassaaq

Ilinniagaqalernissamut piareersarnermut pikkorissartitsisarneq (udd#185021), siornatigut inersimasunut 23-leereersimasunut GUX Nuummi GUX Aasiannilu ingerlanneqartarsimasoq unitsinneqassaaq aasaq 2016, taamaattumik ukioq manna qinnuteqarnerup nalaani qinnuteqaatigineqarsinnaassanngilaq.

Ilinniagaqalernissamut piareersarnermut pikkorissartitsisarneq nalilersorneqareerluni maanna ilinniakkanut ingerlariaqqiffiusarsimasunut amerlanernut isissutaasinnaajunnaarsimasutut nalilerneqarpoq. Taamaasilluni pikkorissartitsisarneq siunissami ilinniagaqalernissamut piareersaatitut siunertaaruppoq ingerlanneqarunnaassallunilu. Piffissami aggersumi taassuminnga ilinniagaqarniarlutik qinnuteqarniartut aqqutissiuussisunit paasissutissinneqassapput innersuunneqarlutillu ilinniakkanut maanna pioreersunut. Ilinniagaqarniarlutik qinnuteqartussat tamatumunnga tunngasunik apeqqutissallit illoqarfimminni Piareersarfinnut saaffiginninnissaat innersuussutaavoq.

Annertunerusumik paasisaqarniaruit attavissaq: AC fuldmægtig Billiam Pedersen, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, e-mail: bipe@nanoq.gl, Oqa.: +299 34 5743.