Unnuk Kulturisiorfimmi alakkartigut

Arfininngornermi januaarip ulluisa 23-anni Pinngortitamut, Avatangiisinut Inatsisinillu Atuutsitsinermut Naalakkersuisup, Mala Høy Kúko-p, Nuummi innuttaasut unnussiualaarnissamut, meeqqanut inersimasunullu nuannersorpassuarnik sammisaqartitsiviusumut qaaqquai.

Nanook erinarsortut tusarnaakkit

Nuuk Center-ip torsuusarsuanut matut nal. 16 ammarneqassapput, tassanilu Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko tikilluaqqusissaaq. Tamatuma kingorna qatanngutigiit Elsner-ikkut Nanook-imeersut ”sassuma Arnaa” erinarsussavaat.

Pisarneq malillugu Naalakkersuisoqarfimmiit Naalakkersuisoq, sulisullu naapissinnaassavatit, aammalu 8. sal-imi nuannersunik sammisaqarnikkut suliaat paasisaqarfigisinnaassallugit.

Takorluukkamik uumasuliorit

Eqqakkat igitassaannaanngillat. Sorpassuarnut atorsinnaapput, aammalu takorluuineq kisimi killiliisinnaavoq. Titartaasarfitsinni/qalipaasarfitsinni eqqakkat atorlugit takorluukkamik uumasuliorsinnaavutit. Aamma paasititsiniaanermut Qujanaq-mut atatillugu nunatsinni innuttaasut eqqakkat qanoq atoqqinneqarsinnaanerinut isumassarsiatik alutornartut nassiussimasaat takusinnaavatit.

Arferup kigutai takukkit

Arferit ilaat kiguteqarput, allat soqqaqarlutik, sunali assigiinngissutaava? Arferit soqqaat kigutaallu saqqummersitavut takugukkit tamanna – allarpassuillu – paasisaqarfigisinnaavatit.

Aamma Kitsissunnguani sumiiffik eqqissisimatitaq oqaluttuarilerutsigu Nunatta timmiaasa ilaat qanillillugit takusinnaavatit.

Imeq pinnguariuk

Silap pissusaata allannguutaasa imerput sunnerpaa. Immanit imeq imerlu imigassaq qanoq ilillutik sunnerneqartarnersut ilaatigut pH (seernassuseq) atorlugu uuttoruk, aammalu nunatsinnut unammillernartut pilersinneqartut pillugit tusagaqarit.

Aamma avatangiisit pinngortitarlu pillugit ilisimasavit misilinnissaanut eqquinissamullu periarfissaqassaatit.

Kaagit, kaffit, tiit saftillu sassaalliutigineqassapput.

 

Pilersaarut tamakkerlugu Unnuk Kulturisiorfiup nittartagaani takuuk: http://kulturnat.gl/kulturnat/kl/pilersaarutit/nuuk/

 

Takunissat qilanaaraarput!

Sumiiffik: Pinngortitamut, Avatangiisinut Inatsisinillu Atuutsitsinermut Naalakkersuisoqarfik, Nuuk Center, 8. sal

Piffissaq: Arfininngornermi, 23. januar 2016 nal. 16 – 20