Vittus Qujaukitsoq-p Københavnimi ataatsimiiffissai

Naalakkerseuisut Københavnimi ukiumi nutaami ilassinninnerannut atatillugu Vittus Qujaukitsup ataatsimiiffissai

Københavnimi Kalaallit Nunaata Sinniisoqarfiani Naalakkersuisut Siulittaasuat Kim Kielsenip ukiortaami januarip 13-ani ilassinnippoq. Naalakkersuisut Siulittaasuata ilassinninnermut atatillugu oqalugiaataa uani atuarneqarsinnaavoq:

 http://naalakkersuisut.gl/kl-GL/Naalakkersuisut/Pisut/2016/01/130116_nytaarsreception_kbh

 

Ilassinninnermut atatilugu Aningaasaqarnermut, Aatsitassanut Nunanullu allanut Naalakkersuisoq Vittus Qujaukitsoq Københavnimi suleqatigisanut attaveqarfigisanullu pisortatigoortunik pisortatigoortuunngitsunillu ataatsimeeqateqaqattaarpoq.

Uani sapaatip akunnerani Vittus Qujaukitsoq-p pilersaarummini ilaatigut qallunaat nuapanip, Kinap kiisalu Koreap aallartitaat ataatsimeeqatigissavai, taamatullu Arctic Circle ataatsimiittartoqatigiivisa allattoqarfianneersut ilassinninnermi peqataasut ataatsimeeqatigisimallugit. 

Thule-mi sakkutooqarfimmi suliariumannittussarsiuussisimaneq, tamatumalu saniatigut suliat pingaarutillit allat, soorlu Danmarkipt/Kalaallit Nunaatalu killeqarfissaq pillugu piumasaqaatigineqartoq kiisalu Kalaallit Nunaata Issittumi suleqatigiinnermi peqataanera pillugit Kristian Jensenimik ataatsimeeqateqarnermi eqqartorneqartut ilagisimavaat.

Arctic Circle Naalakkersuisut peqatigalugit siullermeersumik Kalaallit Nunaanni isumasioqatigiisitsiniarput maajip 18.-19-anilu. Aaqqissuussinissamut sinaakkutigineqarumaartussat Arctic Circle-ip allatseqarfiani pisortamik  ataatsimeeqateqarnermi eqqartorneqarput.

 

Annertunerusunik paasissutissanik pissarsiniartoqarsinnaavoq uunga: Nunanut allanut pisortaqarfimmi pisortaq Kai Holst Andersen +45 40 17 82 93 / Naalakkersuisup allattaa Nauja Møller +299 54 41 42