Isumaginninnerup iluani qanimut suleqatigiittoqarpoq

Ilaqutariinnermut, Naligiissitaanermut Isumaginninnermullu Naalakkersuisup Martha Lund Olsen-ip, Isumaginninnermut Nunallu Iluani Pissutsinut naalakkersuisoq Karen Ellemann, ulloq 12. januar 2016-mi Folketing-imi siullermeerluni ataatsimeeqatigisimavaa.

Nunatsinni meeqqat inuusuttullu atugarisaat pillugit oqallinneq initutusimavoq, ilaatigullu Dansk Folkepar-tip kissaateqarneratigut Folketing-imi apeqqarissarfigineqarluni oqallisigineqarsimasoq pilllugu, pissusissamisoorsimavoq Martha Lund Olsen-ip Karen Ellemann-i sulianik, siunertanik pilersaarutinillu ilisimatinnissaa, tamannalu ilassilluarneqarsimavoq. Karen Ellemann-ip piumassuseqarluarluni apeqqutini taamatut ittuni qanimut suleqatigiittoqartarneranut nangitseqqinnissaminut piumassuseqarluannini ilisimatitsissutigaa.

Qanimut suleqatigiittarnerup suli sukumiinerulernissaanut kissaateqarnermut takussutissaavoq, tullissaannik ataatsimeeqqatigiinnissap nunatsinni marts-ip naalernerani pisussatut isumaqatigiissutigineqarnera, tamatumani Karen Ellemann periarfissinneqassalluni nunatsinni iliuutsit assigiinngitsut nammineerluni takuniarsinnaanissaanut.

Ataatsimeereernerup kingorna Martha Lund Olsen imak oqaariartuuteqarpoq:

” Nuannaarutigeqaara pissarsiaqarfiulluartumik ataatsimeeqqatigiinnerput naammassinniffiummat. Tamatumuunami periarfissinneqarama nunatsinni meeqqat inuusuttullu tungaasigut qanoq iliuuseqarnersugut saqqummiussaqarnissamut. Taamaattumik nuannaarutigaara qanimut oqaloqatigiittarnigut tullissaanni nunatsinni naapikkutta nangeqqissinnaajumaaratsigit”

Paasissutissat sukumiinerusut uunga attaveqarnikkut pissarsiarineqarsinnaapput: Naalakkersuisup allattaa Hanne Nielsen, Mobil: +299 539371 Email: hani@nanoq.gl