Oqaasiliortunut Nunallu Aqqinik Aalajangiisartunut ilaasortat nutaat

Kalaallit Nunaanni Oqaasiliortunut aamma Kalaallit Nunaanni Nunat Aqqinik Aalajangiisartunut ilaasortat nutaat toqqarneqarput.

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisup Nivi Olsen-ip Kalaallit Nunaanni Oqaasiliortunut aamma Kalaallit Nunaanni Nunat Aqqinik Aalajangiisartunut ilaasortat nutaat toqqarpai, taakkulu ullormi toqqarneqarfimminniit 31/12-2018-ip tungaanut atuutissapput.

Tulliuttut Kalaallit Nunaanni Oqaasiliortunut toqqarneqarput:

Mariia Simonsen

Juaaka Lyberth

Jens Danielsen

Judithe Denbæk                                                                                     

Bolatta Vahl

Tulliuttut Kalaallit Nunaanni Nunat aqqinik aalajangiisartunut ilaasortatut toqqarneqarput:

Marianne Petersen                  

Kirstine Kreutzmann

Karl Elias Olsen

Oqaasileriffik Kalaallit Nunaanni Oqaasiliortunut aamma Kalaallit Nunaanni Nunat aqqinik aalajangiisartunut allattoqarfiuvoq aalajangiisartullu siullermeerlutik ataatsimeereersimalerput.

Kalaalit Nunaanni Oqaasiliortut

Oqaasiliortut suliassaraat kalaallit oqaasii nutaat katersussallugit, nalunaarsussallugit akuerissallugillu – matumani ilanngullugit naalisakkat. Aammattaaq Oqaasiliortut suliassaraat kalaallit oqaasii pillugit apeqqutini oqartussaasut inuillu tamat ilitsersortassallugit. Aammattaaq oqaasiliortut suliassaraat suliffeqarfiit nalunaarsuutinik akuerisaasunik nassitsisut suleqatigissallugit imaluunniit kalaallit atiinut katersanut inassuteqartassallutik.

Kalaallit Nunaanni Nunat aqqinik aalajangiisartut

Kalaallit Nunaanni Nunat aqqinik aalajangiisartut suliassaraat Kalaallit Nunaanni nunat aqqi, katersussallugit, nalunaarsussallugit atuuttussanngortissallugillu, suliamut ilaanngillat aqquserngit illoqannginnersallu taaguutaat. Aalajangiisartut suliassaraattaaq Kalaallit Nunaanni oqartussaasut aamma kikkulluunniit Kalaallit Nunaanni nunat aqqi pillugit ilitsersortassallugit. Aalajangiisartut suliffeqarfiit inuillu nalunaarsuutinik akuerisaasunik nassitsisut suleqatigissavaat imaluunniit kalaallisut sumiiffiit aqqinik inassuteqartassallutik.

Ilaasortat ukiuni sisamani atasartussatut toqqarneqartassapput, aamma aalajangiisartut siulittaasortik namminneerlutik qinertassavaat suleriaasissartillu namminneq aalajangersassavaat.

 

Paasissutissanik sukumiinerusunik piniaruit inussiarnersumik qinnuigissavatsigit uunga saaffiginneqqullutit: Pia Lynge,  toqq. Attavissaq: 34 59 06  pily@nanoq.gl