2015-imut akuersissutit 2016-imi aamma atuutissapput

Umiatsiaararsorluni aalisarnermut 2015-imut akuersissutit aamma 2016-imi atuutissapput

Aalisarnermut, Piniarnermut Nunalerinermullu Naalakkersuisoq, Karl-Kristian Kruse, aalajangerpoq 6 meterinik mikinerusunik aalisariutillit qaleralinniarsinnaanermut, saarullinniarsinnaanermut aamma assagiarsunniarsinnaanermut 2015-imut akuersissutitik aamma 2016-imi atorsinnaassagaat.

- Taamaalillluni umiatsiaararsorlutik 2015-imi qaleralinniarsinnaanermut, saarullinniarsinnaanermut assagiarsunniarsinnaanermulluuniiit akuersissuteqartut 2016-imut akuersissuteqarnissaminnut qinnuteqartariaqassanngillat, Aalisarnermut, Piniarnermut Nunalerinermullu Naalakkersuisoq oqarpoq, erseqqissaallunilu umiatsiaararsorluni aalisarsinnaanermut 2015-imi akuersissutit aamma 2016-imi atuutissasut, akuersissut aalisarnermut pisanillu tunisinermut uppernarsaataassalluni.

Nalinginnaasuuvoq umiatsiaarsorluni aalisarsinnaanermut akuersissut ukiumi ataatsimi atuuttarluni. Aalisarsinnaanermut akuersissutit pillugit nalunaarummi paragraf 3, stk. 4-mi aalajangersagaqarpoq akuersissutit sivisunerpaamik ukiuni marlunni atuussinnaasartut. Taannalu naapertorlugu Naalakkersuisut taama aalajangiipput.

Attavigineqarsinnaavoq Aalisarnermut, Piniarnermut Nunalerinermullu
Naalakkersuisoqarfimmi allaffimmi pisortaq, Jóhanna Lava Køtlum. Mail: jool@nanoq.gl