Aalisartut piniartullu Naalakkersuisoqarfimmit siunnersorneqartalissapput

Stemningsbillede

Nunatsinni aalisartut piniartut Aalisarnermut, Piniarnermut Nunalerinermullu Naalakkersuisoqarfimmit januaarip aallaqqaataanit 2016-imi siunnersorneqartalissapput. Aalisartunut piniartunullu siunnersuisarneq KNAPK-p allaffeqarfianiit immikkut siunnersorteqarnermik atorfeqartitsinerit aqqutigalugit pisaraluarpoq.

Naalakkersuisoqarfik erseqqissaavoq aalisartunut piniartunullu siunnersuineq kattuffinnut arlaannaannut attuumassuteqarneri apeqqutaatinnagit pisarnermisut ingerlanneqassammat.

- Aalisartunut piniartunullu Naalakkersuisoqarfimmit siunnersuisarnissaq pitsaasumik tatiginartumillu, siumut isigisumik siunnersuisoqartassaaq, Aalisarnermut, Piniarnermut Nunalerinermullu Naalakkersuisoq, Karl-Kristian Kruse erseqqissaavoq.

KNAPK-mit erseqqissaassutigineqarpoq; Aalisartunut piniartunullu siunnersorteqarnerup Namminersorlutik Oqartussanut nuussinermi suleqatigiinneq ingerlaannassasoq, tassa siunnersorteqarnermi misilittagaareersut akunnattoorfiunngitsumik ingerlaannaarnissaat anguniarneqarmat.

SQAPK-ip nuannaarutigalugu erseqqissaassutigaa aalisartunut piniartunullu siunnersorteqarfiup KNAPK-mit Aalisarnermut, Piniarnermut Nunalerinermullu Naalakkersuisoqarfimmut nuunneqartussanngormat.

SQAPK-miit kaammattuutigaarput siunnersorteqarnerup naalakkersuisoqarfimmut nuunneqarnerata kingunerisaanik sullissineq ullumikkornit ersarinnerulissasoq, sapinngisarlu tamaat naalakkersuisoqarfik aalisartunut piniartunullu siunertalimmik sullissisassasoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq Pollas Lyberth. Mail poly@nanoq.gl