Whistleblowerimik aaqqiissummut isaaffik atulernissamut piareerpoq

Namminersorlutik Oqartussani, qitiusumik allattoqarfimmik immikkoortunillu ataaniittunik ilaqartumik, whistleblowerimik aaqqiissummik Naalakkersuisut upernaaq eqqussissallutik aalajangerput. Maannalu whistleblowerimik aaqqiissummut isaaffik atulernissamut piareerpoq. Tamatuma saniatigut, aaqqiissummut najoqqutassat peqqissaartumik nassuiarneqarput, sulisut immikkoortortaqarfimminni inatsisinik unioqqutitsilluni pisoqarsorigunikku, piviusumik qanoq iliuuseqassanersut.

”Isaavimmik suliarinnitsitsinerput ilitsersuummillu suliaqartitsinerput, Namminersorlutik Oqartussani tamanik takunnissinnaanermut alloriarneq annertuvoq, taamaasilluni unioqqutitsilluni iliuuseqarsorisanik sulisut nalunaarutiginnissagunik, qanoq iliussanerlutik ilisimalluinnassagamikku”, taama oqarpoq Vittus Qujaukitsoq, Aningaasaqarnermut, Aatsitassanut Nunanullu Allanut Naalakkersuisoq tulluusimaartoq, erseqqissarlugulu, isaavimmut saaffiginnissutit tamarmik kinaassutsimik isertuilluni pisinnaammata.

Piffissami aggersumi, Aningaasaqarnermut Sulisoqarnermullu Aqutsisoqarfik, whistleblowerimik aaqqiissummut akisussaasuusoq, suliniutinik aallartitsissaaq, isaaviup atorneqarnissaanut Namminersorlutik Oqartussani sulisunut paasissutissiissalluni, matuma ataani whistleblowerimik aaqqiissut qaqugukkut atorneqarnissaa pisariaqartarnersoq.

Paasissutissat annertunerusut: Tusagassiinermi ataqatigiissaarisoq Martin Christiansen, attavigiuk mobil: 221533