Nunatsinneersut savalimmiut imartaani aalisarnerusinnaasut

Ammassassuit saarullernallu nunatta aalisartuinit aalisarneqarsinnaallutik

Savalimmiormiut aalisartuisa tinguttuut maannamit 475 tonsinik amerlanersut nunatta imartaani aalisarsinnaassavaat ningittagarsorluniluni saarullinnik aamma maannamit 475 tonsinik amerlanerusunik Tunumi aalisarsinnaassapput.

Kalaallit Nunaat Savalimmiullu 2016-imut aalisakkanik pisassiissutissat pillugit isumaqatigiissutaat ilaneqarpoq.

2016-imut isumaqatigiissutigineqarpoq nunatta aalisartui Savalimmiut imartaanni ammassassuartassai maannamit 400 tonsinik amerlanerusunik aalisarsinnaassasut, katillugit 2.500 tonsit aalisarsineqarsinnaassallutik.

Nunatta nunat tamat imartaanni, Savalimmiut imartaanniittumi, saarullernartassani ukiut siuliisutulli pigiinnassavai. Nutaarluinnartut oqaatigineqarsinnaasoq tassaavoq nunarput Savalimmiut imartaanni saarullernanik 8.000 tonsinik pisassinneqarmat.

Savalimmiormiut aalisartuisa tinguttuut maannamit 475 tonsinik amerlanersut nunatta imartaani aalisarsinnaassavaat ningittagarsorluniluni saarullinnik aamma maannamit 475 tonsinik amerlanerusunik Tunumi aalisarsinnaassapput.

Maannakkut pisassiissutaasut allanngortinneqassanngillat, misileraallunili aalisarnerit atorunnaassapput nalinginnaasutut aalisarninngortinneqassallutik. Aamma isumaqatigiissutigineqarpoq savalimmiormiut Tunumi misileraalluni assagiarsunniarsinnaassasut.

Aalisarnermut, Piniarnermut Nunalerinermullu Naalakkersuisoqarfik atorfilittatigoortumik Savalimmiormiunut decembarip pingajuanni sisamaannilu 2015-imi, 2016-imut isumaqatiginninniarput. Isumaqatiginninniarneq Københavnimi pivoq.

Aalisarnermik inuussutissarsiortut isumaqatiginninniarnermi ukioq manna aamma peqataatinneqarput. Kilisaataatillit nunatsinneersut aamma inuussutissarsiornermik ingerlatsisut isumaqatigiinniarnerni peqataasut, Aalisarnermut Piniarnermut Nunalerinermullu Naalakkersuisoqarfik peqatigalugu nalilerpaat aappaagumut aalisagartassat pillugit isumaqatigiissutip ilaneqarnerani angusarineqartut naammaginartorujussuit.

Paasissutissanik allanik perusukkaanni attavigineqarsinnaavoq Immikkoortortaqarfimmi Pisortaq Emanuel Rosing, emanuel@nanoq.gl