Aalisarnermut akuersissutit nutaanngussapput

Aalisarnermut akuersissutit siunissami allaanerulissapput. Aalisarnermut, Piniarnermut Nunalerinermullu Naalakkersuisoqarfiup aalisarnermut akuersissutit allanngortissallugit ukiup aappaata affaani suliarivai.

Nutaannguiniarnermi akuersissutit tamaasa misissorneqarlutillu naleqqussarneqarput, tamatumunnga akuersissutit nutaamik isikkoqalernissaat ilanngullugu aamma suliarineqarluni. Nutarterinermi piumasaqaatinut oqaasertaritinneqartut iluarsaanneqarput, oqaasertallu allat tamaasa aamma iluarsaanneqarlutik. Avataani aalisarnissamut akuersissutip oqaasertai kalaallisut qallunaatullu allanneqalersimassapput.

Akuersissutit nutaanngortinneqarnerisa allannguutaat tassaavoq Naalakkersuisoqarfiup adressia ilanngunneqarmat aamma akuersissutini Namminersorlutik Oqartussat ilisarnaataat ilanngunneqarluni, akuersissummi pappiarap allaa qaamanertaqalerluni, vandmærkimik.

Aalisakkat ukiumut pisassiissutigineqartut nalunaarutigineqarneri aalisarnermut akuersissummut ilanngunneqartalissapput. Taamaalilluni akuersissutip paasissutissartai aalisakkallu ukiumut pisassiissutigineqartut nalunaarutigineri aalisarnermut akuersissummi allassimasalissapput. Aalisarnermut akuersissutinik ataatsimut tunniunneqartunut allagaq ilanngunneqarpoq, allakkami aalisarnermut akuersissutit allannguutaat pillugit nassuiaassutigineqarluni.

Akuersissutit atoruminarnerulersinneqarput aamma pisortatigut atorneqartussatut piuminarsagaallutik. Taamaalilluni Naalakkersuisoqarfimmi sulisut aalisarnermut akuersissutinik sullissinertik tunniussisarnertillu piuminarnerulersissavaat.

Apeqqutissaqartoqarpat Naalakkersuisoqarfimmut saaffiginnittoqarsinnaavoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum. Mail: jool@nanoq.gl