Tasiilami innuttaasut piteqqamit eqqugaasut

Qanittukkut Piterarnerata Tasiilami innuttaasut amerlasuut eqqorpai, atortut ajoqusernerannik kinguneqarsimavoq innuttaasunillu arlalinnik eqquisimalluni. Pissutsinik taamaattunik pisoqaraangat, innuttaasunut annertuumik ajornartorsiortitsisinnaasoq Naalakkersuisut ilisimavaat. Taamaattoqarnerani ataatsimut immitsinnut ikiornissarput pisariaqarpoq.

Pisoq Naalakkersuisuni oqaluuserisimavarput, Tasiilamilu sualummik eqqugaasut, immikkut ittumik ikiorneqarnissaminnut pisariaqartitsisut ikiorumavagut.

Nalunaarutigisinnaavara, Naalakkersuisut borgmester Asii Chemnitz Narupimit, Tasiilami Piterartoqareernerani Namminersorlutik Oqartussat tapiinissaannut tunngatillugu nalunaarummik tigusaqaqqammermata.
Naalakkersuisut tigulluarpaat, Piterartoqarneranit eqqugaasut, sillimmateqanngitsullu, ikiorniarlugit inuinnaat suliniutaat kommunip tigupallassimammagit. Taamaattumik inatsisinut tunngatillugu kiisalu aningaasaqarnerup sinaakkutaasa iluani, kommuni suleqatigalugu Naalakkersuisut pisumi innuttaasunik ikiuerusupput. Piterarnerata ajoqusiineri ataatsimut isigalugit annertussusii paasiniarlugit aammalu ikiorsiineq taamaattoq qanoq naleqqunnerusumik tunniunneqartariaqarnersoq pillugu Naalakkersuisut kommunimut saaffiginnipput.

Innuttaasut ilisimassavaat, annertuumik eqqorneqartut ikiorniarlugit Naalakkersuisut aalajangiusimammata.

Knud Kristiansen
Naalakkersuisunut Siulittaasuugallartoq

Attaveqaat: Immikkoortortami pisortaq Peter Hansen: +299 541501